Áfanginn miðar að því að nemendur verði læsir á styrkleika sína í námi og kunni að nýta þá. Nemendur eflist sem námsmenn og kynnist ýmsum þáttum sem hafa áhrif á frammistöðu og líðan í námi. Sérstök áhersla er lögð á að efla sjálfstæði nemenda í námi, áhugasvið og að hver nemandi finni eigin leiðir til að ná árangri í náminu og setji sér raunhæf markmið.
Nemandi skal hafa öðlast þekkingu og skilning á:
Árangursríkum aðferðum í námi
Námsvenjum sínum og öðrum lífsvenjum sem geta haft áhrif á nám
Gildi raunhæfrar markmiðasetningar
Ýmissi stafrænni tækni sem hægt er að nýta í námi
Styrkleika og þrautseigju almennt og sérstaklega í námi
Nemandi skal hafa öðlast leikni í að:
Að skipuleggja tíma sinn
Nýta lífsvenjur sem hafa jákvæð áhrif á árangur í námi
Nota árangursríkar lestraraðferðir
Nýta glósutækni
Nota minni og einbeitingu
Temja sér jákvætt hugarfar og líðan
Setja sér markmið
Viðhafa sjálfstæð vinnubrögð
Taka ábyrgð á eigin námi
Nemandi skal geta hagnýtt þá almennu þekkingu og leikni sem hann hefur aflað sér til að:
Beita þeim námstækniaðferðum sem eiga við í hverju tilfelli fyrir sig, s.s. meðferð og innihaldi texta og annarrar þekkingar
Tjá sig með skýrum hætti um áhugasvið sitt og styrkleika
Setja sér raunhæf markmið í námi
Beita viðeigandi stafrænni tækni til hjálpar í námi
Taka ábyrgð á eigin námi með því að nýta skipulag og tímastjórnun
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.