Farið er yfir þróun dægurtónlistar, sérstaklega í hinum vestræna heimi. Upphaf tónlistar og þróun hennar eru skoðuð stuttlega en aðaláhersla er lögð á þróun tónlistarinnar frá 1950 til okkar tíma. Fjallað verður um helstu strauma og stefnur, s.s. rokk, popp, þjóðlagatónlist, pönk og diskó og ýmsar þekktar hljómsveitir og tónlistarmenn sem höfðu áhrif á þróun mála. Íslensk dægurtónlist verður tekin sérstaklega fyrir. Áfanganum er ætlað að efla læsi nemenda á dægurtónlist, að þeir þekki til þróunar hennar og helstu áhrifavalda. Áfanganum er einnig ætlað að efla gagnrýna og skapandi hugsun og almenna þekkingu á tónlistariðnaðinum.
INNF1IF05
Nemandi skal hafa öðlast þekkingu og skilning á:
Þróun dægurtónlistar sem listforms og afþreyingariðnaðar
Þróun íslenskrar dægurtónlistar
Helstu áhrifavöldum í hópi flytjenda og laga -og textasmiða
Hvernig dægurtónlist hefur haft áhrif á menningu okkar og daglegt líf
Dægurtónlist sem áhrifavalds í sögunni
Nemandi skal hafa öðlast leikni í að:
Tjá sig á skýran, gagnrýninn og skapandi hátt um þá þekkingu sem þeir öðlast í áfanganum
Sýna frumkvæði og sjálfstæði í vinnubrögðum við útfærslu verkefna
Taka ábyrgan þátt í samræðum um samfélagsleg og menningarleg áhrif dægurtónlistar
Meta og greina hvernig dægurtónlist getur endurspeglað söguna og stórviðburði
Nemandi skal geta hagnýtt þá almennu þekkingu og leikni sem hann hefur aflað sér til að:
Skilja þróun dægurtónlistar og getað t.d. áttað sig á mismunandi stefnum og hvaðan þær koma
Beita gagnrýninni hugsun þegar hlustað er á tónlist til að geta áttað sig á tilgangi hennar og þeirra texta sem við hana eru samdir
Átta sig á mikilvægi dægurtónlistar í heimsmynd okkar og hvernig tónlistariðnaðurinn virkar
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.