Í þessum áfanga er lögð áhersla á að nemendur þekki heiminn, heimsálfurnar og lönd innan þeirra. Nemendur noti öpp og forrit til að kynnast löndum og stöðum og velji sér staði erlendis til að kynna sér betur í lokaverkefni. Lögð er áhersla á sjálfstæð vinnubrögð og upplýsingaleit.
INNF1IF05/INNÁ1IN05
Nemandi skal hafa öðlast þekkingu og skilning á:
Heimsálfunum og löndum heims
Mismunandi einkennum heimshluta og landsvæða
Menningu og menningarmun milli landa og svæða
Mismunandi náttúrufari i heiminum
Algengustu tungumálum heimsins
Nemandi skal hafa öðlast leikni í að:
Ræða og kynna ólíkar þjóðir og lönd af umburðarlyndi og virðingu
Afla fjölbreyttra upplýsinga og vinna með þær
Nota þau forrit og vefi sem í boði eru við vinnslu verkefna
Verða sjálfbjarga í að leita upplýsinga og koma þeim til skila í verkefnavinnu
Vinna sjálfstætt og með öðrum til að koma þekkingu sinni á framfæri
Nemandi skal geta hagnýtt þá almennu þekkingu og leikni sem hann hefur aflað sér til að:
Staðsetja heimsálfur og lönd, t.d. á landakorti
Þekkja helstu lönd og einkenni þeirra
Bera saman menningu og siði svæða og landa heimsins
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.