Viðfangsefni áfangans eru hannyrðir á breiðum grundvelli. Hannyrðir eru skilgreindar af nemendum og verk unnin með viðurkenndum hannyrðaaðferðum, s.s. prjóni, hekli, útsaumi, hnýtingum og fleiru. Auk þess kynnast nemendur listamönnum sem nota hannyrðir í sköpun verka sinna og vinna eigið verk í framhaldi af því. Farið verður yfir sögu hannyrða frá baðstofu til hannyrðapönks og rætt um hlutverk hannyrða í nútímanum.
Nemandi skal hafa öðlast þekkingu og skilning á:
Aðferðum hannyrða
Sögu hannyrða
Hannyrðalist
Sköpun hannyrðaverka
Sjálfstæðum vinnubrögðum
Nemandi skal hafa öðlast leikni í að:
Beita aðferðum mismunandi hannyrða
Nota aðferðir hannyrða í listsköpun
Útfæra og framkvæma eigin hugmyndir innan sviðs hannyrða
Taka sjálfstæðar ákvarðanir um val á verki sem skal vinna
Nemandi skal geta hagnýtt þá almennu þekkingu og leikni sem hann hefur aflað sér til að:
Móta hugmyndir að eigin hannyrðaverki
Ákveða aðferð og skapa eigið verk út frá hugmyndum sínum
Ræða og rökstyðja val á útfærslum verka
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.