Efni þessa áfanga er útvíkkun þeirrar aflfræði sem kennd var í EÐLI2AV05 og tekur fyrir flóknari tegundir hreyfingar. Þannig er nú fjallað um tvívíða hreyfingu, svo sem hreyfingu eftir hringferli, einfaldar sveiflur og bylgjur. Einnig eru aflfræði samsettra hluta til skoðunar og fjallað um hverfitregðu og snúningsorku. Ný hugtök og varðveislulögmál eru kynnt til sögunnar sem tengjast skriðþunga og hverfiþunga. Ljósgeislafræði er gerð skil og endurkast, ljósbrot og linsur eru til umfjöllunar. Lögð er áhersla á sjálfstæð vinnubrögð.
Nemandi skal hafa öðlast þekkingu og skilning á:
Hreyfingum agna í tvívíðu rúmi
Miðsóknarhraða og hröðun, ásamt miðsóknarkrafti agna í hringhreyfingu
Jarðmiðjukenningunni , sólmiðjukenningunni , lögmáli Keplers um sporbauga, lögmáli Newtons um þyngdaraflið og þyngdarfastakenningunni
Hegðun og sveiflum massa í fjaðrandi miðlum ásamt grunnskilning á eigintíðni
Breytingum á stöðu-og hreyfiorku, ásamt hugtökum um skriðþunga
Einföldum bylgjuhreyfingum og ljósgeislafræði
Nemandi skal hafa öðlast leikni í að:
Fjalla um hreyfingu í fleti
Gera grein fyrir atlagi og skriðþunga
Útskýra einfalda sveifluhreyfingu
Fjalla um bylgjur í fleti
Reikna jafnvægi
Nemandi skal geta hagnýtt þá almennu þekkingu og leikni sem hann hefur aflað sér til að:
Beita skipulögðum aðferðum við að leysa verkefni úr þeim efnisþáttum sem teknir eru fyrir
Gera verklegar tilraunir úr efninu, skrá niðurstöður sínar skipulega og vinna úr þeim
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.