Í áfanganum eru skoðuð metalbönd frá ýmsum löndum og könnuð tengsl milli þeirra og þjóðmenningar viðkomandi landsvæðis. Rýnt erí texta og og tónlistina sjálfa og kannað hvort sótt er í þjóðlagahefð viðkomandi þjóðar og hvort textaskáld sækja í menningu og sögu þjóðar sinnar. Sérstök áhersla er á hinar nýfrjálsu þjóðir og svæði sem búið hafa við langvarandi ófrið vegna trúarbragða. Síðast en ekki síst er þungarokk og pönk skoðað með kynjagleraugum.
Nemandi skal hafa öðlast þekkingu og skilning á:
Sögu og menningu mismunandi þjóða
Einkennum þjóðmenningar nýfrjálsra ríkja
Menningar- og sögulegum bakgrunni tónlistar og texta
Takmörkunum á tjáningarfrelsi í ýmsum ríkjum
Nemandi skal hafa öðlast leikni í að:
Leita að upplýsingum sem gagnast í náminu
Leggja mat á áreiðanleika upplýsinga
Vinna úr upplýsingum sem aflað er með ýmsu móti
Nota þýðingarforrit til að átta sig á merkingu texta á framandi tungumálum
Hlusta á framandi tónlist
Nemandi skal geta hagnýtt þá almennu þekkingu og leikni sem hann hefur aflað sér til að:
Fjalla um tengsl þungarokks og þjóðmenningar
Horfa fordómalaust á framandi menningu
Auka víðsýni og umburðarlyndi gagnvart ólíkri menningu og siðum
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.