Í áfanganum öðlast nemendur haldgóða grunnþekkingu á rafeindatækni og uppbyggingu og virkni rafeindatækja, eiginleikum íhluta, hlutverki þeirra og virkni. Þeir öðlast þekkingu og færni í rafeindafræðum með það að markmiði að þeir geti skilið og reiknað einfaldar rafeindarásir. Þeir fá þjálfun í að tengja og mæla afriðilsrásir og stýrirásir fyrir transistora og týristora og notkun aðgerðamagnara. Einnig fá nemendur þjálfun og í að meta ástand rafeindatækja og gera einfaldar bilanagreiningar með mælitækjum.
Kenna þarf áfangann samkvæmt STCW alþjóðasamþykktinni með viðeigandi vottun. Nám í áfanganum (og undanfarandi áföngum ef við á) skal samsvara þeim kröfum sem gerðar eru í tilteknum hlutum samþykktarinnar eins og nánar er tilgreint í tilvísanalista sem fylgir námsbrautar-lýsingunni.
RAMV2VA04BV
Nemandi skal hafa öðlast þekkingu og skilning á:
vinnumáta og notkun ýmissa mótstaða og litamerkingum til að ákveða stærð línulegra mótstaða.
þéttum, uppbyggingu þeirra, hleðslu og afhleðslutíma og mun á póluðum og ópóluðum þéttum m.t.t. tenginga.
viðnáms- og rýmdarmælingu þétta.
uppbyggingu díóða, vinnumáta þeirra, hvernig á að ákvarða stærð þeirra í afriðilsrás og hvernig þær haga sér í straumrás.
myndun transistora og vinnumáta þeirra.
samanburðarmagnara og helstu notkunarsviðum hans.
notkun og vinnumáta íhluta í rafeindatækjum.
myndun týristora og muninum á þeim og transistorum.
áhrifum spanálags í afriðilsrás.
stýrirásum fyrir týristora og geti útskýrt rásir sem byggjast á virkni einlags transistorsins (UJT) annars vegar og sagartannarspennu hins vegar.
mismun á núllstýringu og fasastýringu og við hvaða aðstæður þær eru notaðar.
notkun áriðunarrása í tíðnibreytum og vektorastýringum.
Nemandi skal hafa öðlast leikni í að:
teikna og útskýra ein- og þriggja fasa afriðun.
útskýra hugtakið straummögnun transistora.
viðnámsmæla transistora.
teikna og útskýra rás fyrir hálfbylgju- og heilbylgjuafriðun með og án síuþéttis.
teikna afriðuðu spennuna fyrir og eftir tengingu þéttisins.
teikna magnararás með einum transistor fyrir jafnstraum og útskýra vinnumáta hennar.
kanna ástand íhluta og meta hvort þeir séu í lagi.
teikna og útskýra algengar afriðilsrásir með týristorum bæði einfasa og þriggja fasa.
teikna afriðuðu spennuna fyrir mismunandi kveikihorn stýrðu díóðunnar, útskýra meðalgildi afriðuðu spennunnar fyrir mismunandi opnunarhorn og nota formúlur sem gefa samhengið milli afriðaða meðalgildisins og virka gildis riðspennunnar inn á stýrða afriðilinn.
teikna og útskýra algengar spennustýrirásir með tríökkum og teikna stýrðu spennuna fyrir mismunandi opnunarhorn tríakksins.
teikna og útskýra einfaldar áriðunarrásir.
útskýra vinnumáta týristora.
útskýra tilganginn með púlsvíddarmótun.
Nemandi skal geta hagnýtt þá almennu þekkingu og leikni sem hann hefur aflað sér til að:
ákveða stærðir í spennugjafa, sem tekur inn riðspennu og gefur út jafnspennu, út frá gefnum forsendum.
vinna kerfisbundið að bilanagreiningu í einföldum rafeindarásum.
meta ástand rafeindatækja og gera einfaldar bilanagreiningar í rafeindarásum.
tengja og mæla afriðilsrásir og stýrirásir með transistorum og týristorum.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.