Nám í þessum áfanga á að efla þekkingu og færni nemenda í undirstöðuþáttum siglingafræðinnar og í notkun siglingatækja með því að veita þeim verklega þjálfun í siglingu skipa í siglingahermi þar sem reynir á þekkingu og hæfni í þessum greinum. Í þessum áfanga gefst nemanda færi á öðlast hagnýta þjálfun í skipstjórn, veitt er verkleg þjálfun í notkun siglingafræði og þjálfun í notkun ratsjár til staðsetningar og í skipaumferð í dimmviðri. Virkni mismunandi stillinga ratsjár sýnd og reynd með dæmum í samlíkinum. Þjálfun í notkun GPS-búnaðar og AIS-búnaðar.
Kenna þarf áfangann samkvæmt STCW alþjóðasamþykktinni með viðeigandi vottun. Nám í áfanganum (og undanfarandi áföngum ef við á) skal samsvara þeim kröfum sem gerðar eru í tilteknum hlutum samþykktarinnar eins og nánar er tilgreint í tilvísanalista sem fylgir námsbrautar-lýsingunni.
SIGF2SA04AS
SRSK2SA05AS
SIGT2SA04AS
Nemandi skal hafa öðlast þekkingu og skilning á:
muninum á hinum ýmsu stillingum ratsjárinnar, þ.e. sýndarhreyfingu og raunhreyfingu.
stafnlínu upp (head up) - norður upp (north up) - stefnu upp (course up).
þýðingu þess fyrir gæði ratsjármyndarinnar að stilla rétt (gain, tune, seaclutter, rainclutter o.fl.).
hvort miðun og fjarlægð til skips breytist og þá hvort hætta sé á árekstri.
CPA, TCPA, hvaða þýðingu þessar upplýsingar hafa og hvernig á að nýta þær af fullu öryggi.
því sem huga þarf að við siglingu til hafnar eða á grunnsævi.
GPS-staðsetningarkerfinu og notkun þess við staðarákvörðun.
AIS-kerfinu og notkun þess við að tryggja öryggi við siglingar.
notkun siglingaljósa og dagmerkja.
siglingamerkjum í sjókortum.
helsta mun á venjulegri ratsjá og ARPA-ratsjá.
notkun dýptarmælis við staðarákvörðun.
Nemandi skal hafa öðlast leikni í að:
kveikja á öllum siglingatækjum skipsins og búa það til brottfarar.
ákvarða stað skipsins með siglingatækjum og setja staðarákvörðun út í sjókortið.
gera siglingaáætlun í sjókort og fylgja henni.
reikna út drift og leiðrétta stefnu samkvæmt því.
finna siglda stefnu með því að nota straumþríhyrninga.
finna út, með notkun miðunarlínu og fjarlægðarhrings hvort skip sem nálgast séu á árekstrarstefnu og grípa til viðeigandi ráðstafana til að forða árekstri.
nýta grunnatriði ARPA-ratsjár til að fá upplýsingar um nálæg skip, stefnu þeirra, hraða og aðskilnað við eigið skip ef leiðir skerast.
beita siglingareglum við siglingu í umferð og velja sigldan hraða eftir aðstæðum.
nýta siglingamerki í sjókortum sér til leiðbeiningar við siglingu skipsins.
nota dýptarmæli.
setja á sjálfvirk þokumerki.
stilla og nota talstöð.
stilla og nota sjálfstýringu.
senda tilkynningar til vaktstöðvar.
Nemandi skal geta hagnýtt þá almennu þekkingu og leikni sem hann hefur aflað sér til að:
staðsetja skip og stjórna því við erfiðar aðstæður í mikilli skipaumferð og dimmviðri.
„plotta“ skip á ratsjánni og forðast árekstur.
nýta þekkingu á siglingareglum við siglingu skips í umferð.
nota sjálfstýringu og stilla eftir aðstæðum.
nota samhliða línur „Paralell Index“ við siglingu með ströndum.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.