Nám í áfanganum veitir nemendum frekari og ítarlegri þekkingu á undirstöðuatriðum siglingafræðinnar. Nemendur fá æfingu í gerð siglingaáætlana og vinnu í sjókortum. Nemendur þjálfast í færslu dagbóka og fá einnig kynningu á notkun ATT (Admiralty Tide Tables). (Model course 7.03, Competence: 1.1.2.6, 1.1.2.7, 1.1.2.8, 1.1.2.8, 1.1.2.11, 1.1.2.12, Model course 7.01, Competence: 1.2.1.2, 1.3.1.1).
Kenna þarf áfangann samkvæmt STCW alþjóðasamþykktinni með viðeigandi vottun. Nám í áfanganum (og undanfarandi áföngum ef við á) skal samsvara þeim kröfum sem gerðar eru í tilteknum hlutum samþykktarinnar eins og nánar er tilgreint í tilvísanalista sem fylgir námsbrautar-lýsingunni.
SIGF2SA04AS
SRSK2SA05AS
Nemandi skal hafa öðlast þekkingu og skilning á:
hvernig skipssegulmagn og járn og stál skekkir segulkompásinn.
aðferðum við að leiðrétta áttavita og þeim tækjum sem notuð eru við það.
innihaldi siglingaáætlunar og hvernig hún er unnin.
notkun þríhyrningamælinga við að staðsetja skip.
notkun ratsjár við að finna stefnur nálægra skipa og til þess að tryggja næga fjarlægð á milli skipa þegar stefnur þeirra skarast.
reglum um færslu leiðarbókar/dagbókar.
færslum í dagbók.
Nemandi skal hafa öðlast leikni í að:
reikna út og teikna flóðlínurit fyrir íslenskar hafnir.
nota íslensk og erlend straumkort.
vinna í sjókorti, setja út staðarlínur, miðanir og mið, merkja og mæla upp staðsetningu.
gera siglingaáætlun (Passage Planning).
reikna út stefnu og vegalengd milli staða (þríhyrningsfræði).
reikna út haldna stefnu og haldna vegalengd.
reikna út ágiskaðan stað með notkun þríhyrningafræðinnar.
reikna út hraða og stefnu annarra skipa í ratsjá og leggja mat á árekstarhættu.
reikna leiðréttingu vegmælis.
halda dagbók (log).
Nemandi skal geta hagnýtt þá almennu þekkingu og leikni sem hann hefur aflað sér til að:
sigla meðalstóru skipi af öryggi við flóknar og erfiðar aðstæður til veiða og milli hafna.
gera siglingaáætlun milli staða, reikna út siglingatíma, komutíma og stöðu sjávarfalla við komu.
reikna stefnur og vegalengdir milli staða á jörðinni.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.