Áfanginn felst í matar- og menningarferð til Evrópu. Í undirbúningi ferðarinnar afla nemendur sér fróðleiks um matar- og innkaupahefðir, menningu, sögu og landafræði staðarins sem farið verður til. Nemendur búa til kynningar og fróðleiksmola fyrir vefsíðu sem búin er til fyrir áfangann. Áhersla er lögð á að nemendur fræðist um matar- og menningarsögu landsins. Í ferðinni er unnið með ríkjandi matarhefðir og innkaupavenjur, eldað úr afurðum úr héraði sem og með íbúum, farið í skoðurnarferðir á markaði og í fyrirtæki. Nemendur heimsækja sögulega staði og fræðast um sögu og menningu landsins.
Nemandi skal hafa öðlast þekkingu og skilning á:
Matarhefðum á svæðinu sem heimsótt er
Hvernig svæðisbundir réttir eru eldaðir og hvaða hráefni eru notuð
Matarinnkaupum í landinu sem heimsótt er
Matar- og menningarsögu svæðisins sem heimsótt er
Að lesa sér til um og taka þátt í að elda rétti af svæðinu
Grunnþáttum mismunandi hefða og matarmenningar
Uppruna hráefnis sem notað er
Að þróa með sér aga, metnað, ábyrgð og jákvæðni í vinnubrögðum
Eigin vinnuframlagi og annarra
Hvernig á að skipuleggja fjáraflanir og framkvæma þær
Nemandi skal hafa öðlast leikni í að:
Lesa sér til um matar- og menningarsögu framandi lands á erlendu máli
Skoða ólíka matarmenningu og ræða
Taka þátt í samræðum um mismunandi matarmenningu, færa rök fyrir máli sínu og virða skoðanir annarra
Búa til fróðleiksmola sem birtar verða á heimasíðu áfangans
Halda dagbók meðan á ferðinni stendur og birta á vefnum
Lesa uppskriftir, fara eftir þeim og fjalla um megininntak þeirra
Efla skilning sinn á menningu og matargerð annars lands
Afla sér upplýsinga um matarinnnkaup
Upplifa, skynja og smakka það sem hann tekur þátt í að framreiða
Skoða hráefni sem til er í umhverfinu og elda það á nýstárlegan hátt
Geta unnið saman í teymi og skipt með sér verkum
Geta sett fram hugmyndir sínar um framandi rétti og brugðist við viðmælendum
Nemandi skal geta hagnýtt þá almennu þekkingu og leikni sem hann hefur aflað sér til að:
Tjá skoðanir sínar og tilfinningar um mat og framandi matarmenningu
Vera meðvitaður um menningarlegt hlutverk matar
Sýna nokkurt sjálfstæði við að framreiða mat undir leiðsögn kennara
Tjá sig um eigin upplifun við framreiðslu matar við aðra viðmælendur með almennri ígrundun og samanburði
Halda úti dagbók um ferðina með íhugun um mismunandi matarhefðir og menningu svæðisins
Leysa úr viðfangsefnum í samstarfi við aðra
Þróa með sér aga, metnað, ábyrgð og jákvæðni í vinnubrögðum
Sýna umburðarlyndi og virðingu gagnvart öðrum menningarheimum
Meta eigið vinnuframlag
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.