Megináhersla er lögð á nemendur öðlist færni og þekkingu á vélbúnaði með verkefnavinnu og greiningu mældra
niðurstaðna. Sérstök áhersla er á varmafræði, varmajöfnuð og fræðilegar rannsóknir á aflfærslu til framdriftar
skipa. Nemendur þjálfast í rekstri vélkerfa með því að gera varmafræðilegar athuganir og vinna úr þeim. Einnig
er unnið að rannsóknum á varmaskiptum. Nemendur eiga að nýta sér námsefni undanfara og áunna fagþekkingu
til að vinna verklegar æfingar og tilraunir sem hafa það hlutverk að auka skilning á
einstökum þáttum fræðigreinarinnar.
Kenna þarf áfangann samkvæmt STCW alþjóðasamþykktinni með viðeigandi vottun. Nám í áfanganum (og
undanfarandi áföngum ef við á) skal samsvara þeim kröfum sem gerðar eru í tilteknum hlutum samþykktarinnar
eins og nánar er tilgreint í tilvísanalista sem fylgir námsbrautarlýsingunni.
VÉLF2VB04BV
VÉLS3VB04DV
Nemandi skal hafa öðlast þekkingu og skilning á:
nýtni og afldreifingu miðflóttakraftsdælu.
dælukennilínum, mótstöðukennilínum og stjórnun rúmtaksstreymis fyrir miðflóttaaflsdælu.
rannsóknum á varmafræðilegum eiginleikum varmaskiptis.
varmajöfnuði dísilvéla (unnið í hermi).
álagslínuriti aðalvélar skips.
skrúfulínuriti (unnið í hermi).
Nemandi skal hafa öðlast leikni í að:
nota díagrammrannsóknir til að greina bilanir í dísilvélum (unnið í hermi).
gera varmajöfnuð á dísilvél og leggja mat á niðurstöður.
lesa úr niðurstöðum varmajöfnuðar og varmaskipta vélbúnaðar.
setja niðurstöður mælinga og athugana fram í skýrsluformi.
afla upplýsinga um ástand lofttemprunarkerfa og vinna úr þeim.
ræsa gufutúrbínu (í hermi) og fylgjast með henni í rekstri.
Nemandi skal geta hagnýtt þá almennu þekkingu og leikni sem hann hefur aflað sér til að:
taka ákvarðanir um viðbrögð ef niðurstöður mælinga á vélbúnaði gefa tilefni til.
setja fram helstu atriði æfingar og niðurstöður í skýrslu þar sem fram koma helstu mæliniðurstöður, útreikningar og línurit.
draga ályktanir af niðurstöðum rannsóknaræfinga og gera tillögur að úrbótum.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.