Í áfanganum er lögð áhersla á almenna og sérhæfða styrktarþjálfun þar sem nemendur læra bóklega og verklega hvernig vöðvi er byggður upp, hvernig hann starfar og hvaða vöðvar vinna í mismunandi æfingum, tækni í ýmsum styrktaræfingum, hvernig á að setja upp áætlun út frá ólíkum markmiðum o.s.frv.
Nemandi skal hafa öðlast þekkingu og skilning á:
hvað styrktarþjálfun er
hvernig vöðvi er byggður upp og hvernig hann starfar við mismunandi vöðvasamdrætti
hvaða vöðvi eða vöðvahópur er að vinna við mismunandi styrktarþjálfunaræfingar
hvernig mismunandi þjálfunarform og -aðferðir eru innan styrktarþjálfunar
Nemandi skal hafa öðlast leikni í að:
framkvæma rétta tækni í styrktaræfingum (líkamsbeiting)
framkvæma rétta tækni í ólympískum lyftingum (líkamsbeiting)
Nemandi skal geta hagnýtt þá almennu þekkingu og leikni sem hann hefur aflað sér til að:
meta hvaða æfingar og hvernig sé best að skipuleggja styrktarþjálfun út frá mismunandi markmiðum með styrktarþjálfuninni
setja upp mismunandi áætlanir (prógröm) út frá ólíkum markmiðum með styrktarþjálfuninni
Í áfanganum er leiðsagnarmat með símat alla önnina. Öll verkefni gilda til einkunnar.