Í áfanganum eru íslenskar kvikmyndir og þættir af ýmsu tagi til umfjöllunar. Fjallað er um efni og tengsl þess við samfélag. Skoðað verður það samfélagsmynstur sem kemur fram í efninu sem horft verður á. Íslensk menning liggur til grundvallar sýndum kvikmyndum og þáttum. Lögð verður áhersla á fjölbreytt efni.
ÍSLE2MB05
Nemandi skal hafa öðlast þekkingu og skilning á:
Helstu hugtökum í kvikmyndafræði eins og sjónarhorni, sögusviði o.fl.
Byggingu kvikmynda og ýmsum öðrum greiningarþáttum, t.d. tónlist, lýsingu, myndatöku og klippingu.
Nemandi skal hafa öðlast leikni í að:
Koma þekkingu sinni á framfæri í ræðu og riti.
Geta greint tíðaranda í kvikmyndum og þáttum.
Tengja upplýsingar úr efninu við eigin viðhorf.
Nemandi skal geta hagnýtt þá almennu þekkingu og leikni sem hann hefur aflað sér til að:
Greina tengsl efnis við samtíma sinn.
Ræða á gagnrýninn hátt um þá samfélagsmynd sem birtist í efninu.
Vinna að skapandi verkefnum í tengslum við námsefnið.
Lögð er áhersla á sjálfstæð vinnubrögð og frumkvæði. Áfanginn byggist á þátttöku, samvinnu og umræðum yfir önnina.