Það kom upp villa senda inn  Áfangi

    Áfangi Nánari upplýsingar


    Búið til: 1582889677.66

    Vélstjórn 2
    VÉLS2AB05
    11
    Vélstjórn
    Vélstjórn 2
    Samþykkt af skóla
    2
    5
    Nemendur fara yfir eldsneyti bulluvéla, mismunandi tegundir eldsneytis og eiginleika. Mismunandi brunahol dísilvéla. Kæling bulluvéla, rekstur og viðhald kælivatns- og kælisjókerfa. Eldsneytis- og rafbúnaður Ottóbulluvélarinnar. Aflyfirfærslan frá aflvél og skrúfu, rekstur og viðhald. Undirstöður og afrétting aðal- og hjálparvéla í skipum. Skipsskrúfan og tengsli. Stjórnun gangstefnu skipa. Austur-, kjölfestu-, sjó- og ferskvatnskerfi til almennra nota. Afgas-, vökvavindukerfi og stýrisvél. Farið verður yfir smurolíukerfi og smurolíur. Upphitun skipa. Brunavarnakerfi í bátum og skipum. Hersla með vökvatjökkum. Námið skiptist í verklegan og bóklegan hluta þannig að fjórar bóklegar kennslustundir koma á móti fjórum verklegum. Í verklegum tímum er áhersla lögð á umhirðu búnaðar í vélarúmi. Undirbúningur undir gangsetningu, keyrslu, stöðvun og frágang dísilvéla. Áhersla er lögð á bilanagreiningu og viðgerðir. Hluti kennslunnar fer fram í vélarúmshermi skólans.
    VÉLS1AA05
    Nemandi skal hafa öðlast þekkingu og skilning á:
    • eldsneytisbúnaði dísil- og Ottó véla auk loftaðfærslubúnaði og algengustu eldsneytisgerðum
    • smurolíum og smurolíukerfum
    • kæliþörf brunavéla og þeim búnaði sem þarf við kælingu
    • aflyfirfærslum véla, tengslum og skrúfubúnaði skipa
    • afréttingum véla og vélbúnaðar
    • austurkerfum, sjókerfum, brunakerfum og ferskvatns- og hitakerfum til almennra nota
    • gangsetningu, keyrslu, stöðvun og frágangi dísilvéla
    • bilanagreiningu og viðgerðum
    • herslu bolta með mismunandi búnaði
    • rekstri og viðhaldi fyrrnefndra kerfa
    • öryggismálum varðandi vinnu og umgengni véla og vélbúnaðar
    Nemandi skal hafa öðlast leikni í að:
    • útskýra vinnumáta skiptiskrúfu, forþjöppu, stýrisvéla, og vökvavindukerfa
    • fjalla um og útskýra öll vélakerfi sem talin eru upp í þekkingarviðmiðunum
    • meta aðferðir við afréttingar
    • undirbúa keyrslu véla og vélbúnaðar
    • lesa úr teikningum og herslutöflum
    • fara eftir öryggisatriðum og virða þau
    Nemandi skal geta hagnýtt þá almennu þekkingu og leikni sem hann hefur aflað sér til að:
    • umgangast og meta síubúnað í eldsneytis- og skolloftskerfum
    • taka olíusýni, til þess að segju og rakamæla það
    • hreinsa og yfirfara varmaskipta
    • taka í sundur skiptiskrúfu
    • rétta af tengi með klukkum
    • umgangast grófsíur í austur- og sjókerfum
    • gangsetja, keyra og bilanagreina vélar
    • nota herslumæla
    • leiðbeina öðrum um öryggismál
    Námsmat er útfært í námsáætlun í samræmi við skólanámskrá.