Fjallað er um helstu hugtök og megin viðfangsefni vistfræði hafsins. Skýrt hvernig vistkerfi verða til í samspili lifandi og lífvana náttúru og hvernig athafnir mannsins geta raskað kviku jafnvægi vistkerfa. Vistfræðileg staða hafsins verður til umfjöllunar með áherslu á umhverfismál, mengun, plast, náttúruvernd og nýtingu náttúruauðlinda á sjálfbæran hátt.
5 einingar í líffræði eða umhverfisfræði á 2. þrepi.
Nemandi skal hafa öðlast þekkingu og skilning á:
Helstu hugtökum í vistfræði hafsins og hlutverkum helstu lífveruhópa
Orkuflæði og efnahringrásum vistkerfa
Tengslum lífvera í gegnum fæðukeðjur og fæðuvefi
Mikilvægi hafsins fyrir lífkerfin á jörðinni
Uppruna og sögu plasts, eiginleikum og kostum þess
Plastmengun í hafi og hvernig hægt er að koma í veg fyrir hana
Gildi hafsins í eigin lífi og mikilvægi þess hjá lífkerfum jarðar
Rannsóknaraðferðum í vistfræði
Nemandi skal hafa öðlast leikni í að:
Beita hugtökum vistfræðinnar í umfjöllun um hafið
Fjalla um áhrif mengunar í hafi
Skýra hvernig hafið hefur áhrif á loftslag, framleiðslu súrefnis, fæðu og lífbreytileika (haflæsi)
Greina vanda og vinna í átt að úrlausnum á mengunarmálum
Taka eigin ákvarðanir og vinna að verkefnum í heimabyggð
Nemandi skal geta hagnýtt þá almennu þekkingu og leikni sem hann hefur aflað sér til að:
Draga ályktanir af niðurstöðum rannsókna í vistfræði
Túlka niðurstöður og setja fram með skipulögðum hætti
Tengja vistfræðilega þekkingu sína við daglegt líf og átt sig á eigin ábyrgð
Greina vanda og vinna í átt að úrlausnum á mengunarmálum
Vinna að bættri umgengni við hafið og lífkerfi þess
Taka sjálfstæða rökstudda afstöðu til umhverfis- og mengunarmála
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.