Í áfanganum er tekið á áskorunum daglegs lífs og eðlilegum streituvöldum í lífi fólks. Unnið verður með nútvitund, hugleiðslu, viðbrögð við mismunandi aðstæðum, ásamt djúpöndun og slökun. Kennsluhættir verða lagaðir að kennsluhóp hverju sinni. Unnið verður mikið með æfingar í leikjaformi sem og umræður. Áfanginn er ekki sálfræðimeðferð, heldur heilsuræktaráfangi með forvarnargildi.
Nemandi skal hafa öðlast þekkingu og skilning á:
Aðferðum til þess að takast á við eigin líðan
Tengslum hugsunar og hegðunar
Streituvöldum í eigin lífi
Aðferðum til að takast á við kvíða og depurð
Nemandi skal hafa öðlast leikni í að:
Setja sér markmið í samræmi við SMART
Þekkja kosti sína og galla
Framkvæma hugleiðslu og vinna í núvitund
Gera hugtakakort um sjálfan sig ásamt kostum, göllum o.fl.
Taka á sjálfum sér og breyta mynstri sínu við mismunandi atferli
Virkja skapandi hugsun og sjá sig á myndrænan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
Þekkja tengsl andlegrar, félagslegrar og líkamlegrar heilsu
Geta verið gagnrýninn á eigin hegðun í samskiptum við aðra
Geta gagnrýnt á uppbyggilegan hátt og taka gagnrýni
Hvernig þeir hafa áhrif á umhverfi sitt og annað fólk með eigin framkomu og hegðun.