Í áfanganum lesa nemendur forna norræna texta og kynnast þróun og helstu breytingum á íslensku máli frá fornu. Auk þess skrifa nemendur rannsóknarritgerð.
ÍSLE2MB05
Nemandi skal hafa öðlast þekkingu og skilning á:
fornum norrænum textum
hugtökum í bókmenntafræði
þróun tungumálsins og helstu breytingum frá fornu
orðaforða sem nægir til að skilja eldri íslenska texta
vinnubrögðum við ritgerðasmíð og heimildavinnu
Nemandi skal hafa öðlast leikni í að:
lesa fjölbreyttar gerðir ritaðs máls fyrri alda
tjá sig á blæbrigðaríkan hátt um afmörkuð málefni
beita gagnrýninni hugsun í ræðu og riti
nýta sér gagnrýni annarra
meta og nýta heimildir á réttan og heiðarlegan hátt
beita helstu bókmenntahugtökum á lesna texta
Nemandi skal geta hagnýtt þá almennu þekkingu og leikni sem hann hefur aflað sér til að:
túlka texta þótt merking sé ekki ljós
setja fram rökstudda afstöðu og útskýra sjónarmið í málefnalegum umræðum
beita málinu á viðeigandi hátt við mismunandi aðstæður
efla og meta eigin málfærni
skrifa skýran og vel uppbyggðan texta
sýna sköpunarhæfni í málflutningi sínum og verkum
Námsmat byggir á leiðsagnarmati þar sem nemendur fá endurgjöf á það sem vel er gert ásamt ábendingum um það sem betur má fara. Leitast er við að hafa námsmat sem fjölbreyttast til að sýna rétta mynd af þekkingu, leikni og hæfni nemenda.