Haldið er áfram skoðun á rökrásum og hliðum frá fyrri áfanga. Nemendur kynnast samrásum og virkni þeirra, m.a: samlagningarrás (Adder), samanburðarrás (Comparator), línufækkara/fjölgara (Mux/Demux), kóðabreyti (Decoder) og línuveljara (Encoder). Flip-Flopar og teljarar skoðaðir ásamt hliðarregisterum. Hermiforrit verða notuð við prófun rása. Lögð verður áhersla á að nemendur geti hannað rásir annað hvort fyrir prentplötu eða á brauðbretti, komið fyrir íhlutum og prófað. Þá er lögð áhersla á að nemendur fái innsýn í forritanlega örgjörva og hvernig hægt er að forrita þá og nota t.d. í skynjararásum.
TNTÆ1GA05AR
Nemandi skal hafa öðlast þekkingu og skilning á:
notkun bólskrar algebru og Karnaugh-korta til einföldunar á rökrásum.
virkni helstu samrása.
samanburðarrásum, samlagningar og línufækkara/-fjölgara.
Flip Flopum, teljararásum og hliðarregisterrásum.
Nemandi skal hafa öðlast leikni í að:
teikna einfalda teljararás.
nota bólska algebru og Karnaug-kort til að einfalda rökrásir.
tengja samrásir í hermiforritum og brauðbrettum til að prófa.
smíða/tengja, prentrásir/brauðbretti fyrir samrásir eða smátölvur.
bilanagreina rökrásir.
forrita litla örgjörva/smátölvur með samrásum.
Nemandi skal geta hagnýtt þá almennu þekkingu og leikni sem hann hefur aflað sér til að:
beita mælitækjum við að prófa samrásir og rökrásir.
setja upp einfalda teljararás.
beita tölvuhermiforritum til prófunar á rökrásum og samrásum.
hanna rásir fyrir prentrásir eða brauðbretti.
forrita örgjörva/smátölvu eftir ákveðinni forskrift.
Námsmat felst í símati sem byggt er upp á a.m.k. 5 matsþáttum og vegur enginn þáttur yfir 35%.