Í áfanganum er haldið áfram umfjöllun um sérhæfð lagnakerfi en nú með áherslu á gaskerfi, þrýstilofts- og súrefniskerfi á sjúkrahúsum, hita-, vatns- og fráveitukerfi sveitarfélaga. Gerð er grein fyrir uppbyggingu þessara kerfa, sérkennum þeirra, lagnaefnum, dælu- og stjórnbúnaði. Jafnframt er farið í grundvallaratriði kælitækni með áherslu á kælirafta og sérstaklega farið yfir minni kælikerfi fyrir verslanir og tækja- og efnisþörf þeirra. Nemendur fá yfirsýn yfir helstu lagnaefni í hita-, vatns- og fráveitur og tengingar vegna þeirra lagna og kynnast varmadælum, uppbyggingu þeirra og virkni.
SÉLA2PL03AB
Nemandi skal hafa öðlast þekkingu og skilning á:
efnum og búnaði sem notaður er í gas-, þrýstilofts- og súrefniskerfi.
festingum, stýringum og öryggisbúnaði fyrir gas- og loftlagnir í byggingum.
hlutverki, uppbyggingu og virkni gasbúnaðar til matargerðar.
áhöldum og tækjum sem notuð eru við lagningu gas- og loftlagna.
aðferðum og búnaði til að prófa gas- og loftkerfi og öryggisbúnað þeirra.
öryggisreglum og hlífðarbúnaði fyrir viðkomandi áhöld og tæki.
kælitækni og lagningu kælilagna/-rafta
veitukerfum sveitarfélaga.
Nemandi skal hafa öðlast leikni í að:
velja lagnaefni og tengi með hliðsjón af aðstæðum.
velja rétt áhöld og tæki til að tengja lagnaefni og búnað.
velja lagnaleiðir og einangrun fyrir gas- og loftlagnir og staðsetningu gasbúnaðar.
meta kröfur um brunavarnir við lagnir milli brunahólfa.
setja upp, tengja og gangsetja varmadælur.
setja upp kælirafta, leggja að þeim lagnir, tengja og gangsetja.
velja efni og lagnatækni við vatns- og hitaveitulagnir sveitarfélaga.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja minni gas-, þrýstilofts- og súrefniskerfi í byggingar í samræmi við reglur og yfirfara öryggisbúnað.
áætla gas- og loftnotkun og reikna rörasverleika.
skrá og merkja ventla og stýritæki og setja upp skýringartöflur.
setja upp og tengja endabúnað og ganga úr skugga um virkni tækja í samræmi við reglur framleiðenda.
vinna í samræmi við viðurkenndar öryggisreglur og öryggisbúnað.
leggja kælikerfi, setja upp stýribúnað og gangsetja kerfin.
leggja frárennsliskerfi úr steinrörum í götur og bílastæði.
leggja vatns- og hitaveitulagnir úr mismunandi efnum.