Í áfanganum tileinka nemendur sér undirstöðuþætti lagnateikninga fyrir heitt og kalt vatn innanhúss. Þeir læra að lesa lagnateikningar af slíkum kerfum og teikna bæði flatar- og rúmmyndir. Kennd eru grunnatriði uppdrátta fyrir smærri vatnslagnakerfi í íbúðarhús, tákn og teiknistaðlar. Nemendur læra að tengja lagnauppdrætti við hönnunarforsendur vatnslagnakerfa samkvæmt byggingareglugerð og stöðlum, helstu fagheiti, efnisnotkun, málsetningar m.m. Komið er inn á verklýsingar fyrir smærri lagnakerfi og nemendur gera efnislista á grundvelli lagnauppdrátta. Kennslan byggist að miklu leyti á verkefnum þar sem reynt er að tengja saman gerð lagnauppdrátta, verkgögn og hönnunarforsendur.
GRTE1GN04AB
Nemandi skal hafa öðlast þekkingu og skilning á:
útfærslum smærri lagnakerfa fyrir heitt og kalt vatn innanhúss.
ákvæðum byggingareglugerðar um lagnir fyrir heitt og kalt vatn.
íslenskum stöðlum um lagnakerfi fyrir heitt og kalt vatn.
stöðlum um mannvirkja- og tækniteikningar sem tengjast lagnauppdráttum.
tæknilegum útfærslum vegna einangrunar og brunavarna.
öllum gerðum uppdrátta og teikninga og teiknitáknum fyrir vatnslagnir.
fagheitum og efnisnotkun í lagnateikningum fyrir heitt og kalt vatn.
Nemandi skal hafa öðlast leikni í að:
nota Rb-blöð við hönnun og teikningar.
lesa og vinna með teikningar af vatnslögnum innanhúss.
lesa og skilja merkingar á teikningum og meðfylgjandi verklýsingar.
beita reglum um blaðstærðir, mælikvarða og teikniáhöld.
beita teiknireglum fyrir teikningu neysluvatns- og hitalagna.
Nemandi skal geta hagnýtt þá almennu þekkingu og leikni sem hann hefur aflað sér til að:
gera einfalda verklýsingu með hliðsjón af lagnauppdrætti.
gera efnisáætlanir fyrir einföld lagnakerfi.
teikna einföld lagnakerfi fyrir heitt og kalt vatn í íbúðarhúsnæði.
gera fríhendisrissmyndir, flatar- og rúmteikningar af lagnakerfum.
gera deiliuppdrætti af lagnakerfum fyrir heitt og kalt vatn innanhúss.