Í áfanganum er aðaláhersla lögð á varbúnað, vírsverleika og rafdreifiskápa. Nemendur kynnast tæknilegum tengiskilmálum. Farið er í uppbyggingu á minni húsveitum, staðsetningu á búnaði, lagnaleiðir og brunaþéttingar kynntar. Innfelldar og áfelldar lagnir. Farið er í reglugerðarákvæði varnarráðstafana sem varða snerti- og brunahættu. Lögð er áhersla á skilning nemenda á varbúnaði, bruna- og snertihættu. Skoðað er hvernig raflagnir geta verið misjafnar eftir aðstæðum og kröfum og hvernig prófun á rafmagnsöryggi fer fram. Nemendur kynnast ljósleiðurum helstu gerðum, umgengni og splæsingu. Nemendur fá innsýn í dyrasímakerfi og loftnetskerfi, uppbyggingu og tengimöguleika. Nemendur fá þjálfun í notkun mælitækja og lögð er áhersla á fagmannleg vinnubrögð. Nemendur kynnist slysavörnum við rafvirkjavinnu.
RAFL1GA04BR
Nemandi skal hafa öðlast þekkingu og skilning á:
hættu á skemmdum á búnaði þegar mælitækjum er beitt.
reglum um sverleika leiðara miðað við áraun og staðla sem um þær gilda.
reglum um varúðarráðstafanir er varðar snerti- og brunahættu.
mælitækjum sem notuð eru við bilanaleit.
uppbyggingu minni veitna og mikilvægi efnisvals í þær.
uppbyggingu og mismunandi flokkum ljósleiðara.
öryggi þess að hafa skipulag og þrifalegt á vinnustaðnum.
Nemandi skal hafa öðlast leikni í að:
mæla einangrunarbilun og spennur í veitum.
leggja rör og strengi og ganga frá dreifiskáp.
lesa úr uppdráttum og fyrirmælum.
tengja ýmsar gerðir fjarrofa.
splæsa ljósleiðara.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja raflagnir í minni veitur.
draga út fyrir mælum.
vinna eftir fyrirmælum.
gera sér grein fyrir röð varnarráðstafana í húsveitum.
ákveða vírsverleika lagna
einangra, mæla og finna bilun í húskerfi
Námsmat felst í símati sem er byggt upp á a.m.k. 5 matsþáttum og vegur enginn þáttur yfir 35%.