Nemendur kynnast starfi og starfssviði rafiðnaðarmannsins og öðlast skilning á efnisfræði raflagna. Fjallað er um framleiðslu rafmagns og mismunandi gerðir flutningskerfa og nemendur eru fræddir um virkni ólíkra rofa með tengi- og smíða verkefnum. Einnig kynnast nemendur því efni sem notað er í einfaldar raflagnir, fá fræðslu um öryggismál og þeim kynntar reglugerðir sem í gildi eru og snerta námsþætti áfangans. Nemendur fá innsýn í þróun öryggismála, hvernig reglugerðir og staðlar koma við sögu og virkni veitukerfa, varnaraðgerða og heimtauga.
Grunnskólapróf með lágmarkseinkunn B í íslensku, ensku og stærðfræði.
Nemandi skal hafa öðlast þekkingu og skilning á:
öryggismálum og reglugerðum er varða vinnu við rafmagn.
verkfærum rafiðnarmannsins og helstu störfum.
virkni mismunandi rofa.
helstu teiknitáknum.
litakóðum víra.
mikilvægi staðla og reglugerða
Nemandi skal hafa öðlast leikni í að:
tengja rofa, samrofa, krónurofa og krossrofa.
leggja kapallagnir fagmannlega á lítið spjald.
leggja röralagnir fagmannlega á lítið spjald.
tengja falir, klær og fjöltengi.
beita réttum verkfærum.
Nemandi skal geta hagnýtt þá almennu þekkingu og leikni sem hann hefur aflað sér til að:
geta gert greinarmun á lagnabúnaði með tilliti til aðstæðna.
geta greint mun á faglegum og ófaglegum vinnubrögðum.
gæta fyllsta öryggis í umgengni við rafmagn
Námsmat er í símati sem er byggt upp á a.m.k. fimm matsþáttum og er enginn þáttur yfir 35%.