Berlín - höfuðborg sameinaðs Þýskalands og vettvangur heimssögulegra atburða sérstaklega á 20.öldinni. Hvernig og hvenær varð Berlín til? Hvaða áhrif höfðu stríð og styrjaldir á Berlín og þá sérstaklega síðari heimsstyrjöldin? Hvað gerðist á árið 1961? Hvernig var lífið í Berlín á árunum 1961-1989? En á árunum 1989-1990? Hvernig er Berlín í dag? Hvað er t.d. Brandenburger Tor, Berliner Mauer, Potsdamer Platz, Holocaust Mahnmal, Goldelse, Reichstagsgebäude, Ku’damm, Gedächtniskirche, Alexanderplatz, Museumsinsel og KaDeWe? Hvaða söfn eru spennandi? Hvernig er mannlífið? Hvernig er best að komast á milli staða í Berlín? Þetta og margt, margt fleira verður til umfjöllunar því Berlín býður upp á svo margt.
Áfanginn er ætlaður þeim sem hafa áhuga á að fara í sögu-, menningar- og námsferð til Berlínar. Nemendur kynna sér sögu Berlínarborgar, áhugaverða staði og annað sem vert er að skoða, upplifa og gera í Berlín og undirbúa þannig með aðstoð kennara stutt ferðalag til Berlínar.
Nemendur vinna ýmis verkefni tengd Berlín fyrir ferðina, í ferðinni og eftir að heim er komið. Einnig æfa nemendur sig í hagnýtu talmáli sem felst að mestu í upprifjun á orðaforða og málnotkun með áherslu á dagleg samskipti og nemendur vinna nokkur talverkefni í tengslum við þetta
ÞÝSK1BÞ05
Nemandi skal hafa öðlast þekkingu og skilning á:
staðháttum, (fjöl)menningu og mannlífi í Berlín
sögu Berlínarborgar með sérstakri áherslu á tímann eftir 1945
þeim orðaforða sem nauðsynlegur er til að takast á við mismunandi aðstæður í þýskumælandi borg.
Nemandi skal hafa öðlast leikni í að:
rata í Berlín og nota almenningssamgöngur borgarinnar hjálparlaust
tjá sig og bjarga sér á þýsku í mismunandi aðstæðum og leysa úr málum sem upp geta komið
afla sér hagnýtra upplýsinga og vinna úr þeim á mismunandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
segja rétt frá sögu Berlínar
tjá sig um upplifanir sínar í Berlín með rökstuddum dæmum og í samhengi við þau atriði sem hafa verið til umfjöllunar í áfanganum
Rata í Berlín, geta jafnvel séð um stutt ferðalag þangað með vinum og vandamönnum
meta eigið vinnuframlag og annarra og bera ábyrgð á eigin námi
bjarga sér á þýsku við ýmsar aðstæður
tileinka sér jákvætt viðhorf til þýsku og Þýskalands
Námsmat er útfært í kennsluáætlun í samræmi við skólanámskrá