Áfanginn felur í sér starfsþjálfun á námssamningi þar sem nemandinn beitir þeirri þekkingu og hæfni sem hann hefur aflað sér í námi. Kröfur í starfsþjálfun aukast stig af stigi. Að loknu námi í skóla, starfsþjálfun og fullnægjandi útfylltri ferilbók er neminn tilbúinn í sveinspróf. Á 3. þrepi er dregið úr aðstoð eins og mögulegt er, nemandi vinnur nú sjálfstætt en tilsögn veitt þegar um er beðið. Á 3. þrepi hefur nemandi þekkingu á verksviðum fagsins, hann beitir áhöldum og notar efni sem snerta fagið af öryggi. Hann vinnur með viðurkenndu verklagi samkvæmt öryggisreglum og fylgir hönnunargögnum. Hann getur unnið samkvæmt gæðakröfum og metið eigin verk og annarra. Í lok áfangans er nemandi tilbúinn í sveinspróf.
STAÞ2HN30CB
Nemandi skal hafa öðlast þekkingu og skilning á:
helstu verksviðum fagsins.
helstu öryggis- og umhverfisatriðum sem snerta fagið.
helstu gæðakröfum sem snerta fagið.
eiginleikum og möguleikum þeirra efna sem hann vinnur með innan fagsins.
áhöldum og tækjum sem tilheyra faginu.
Nemandi skal hafa öðlast leikni í að:
fylgja hönnunargögnum með tilsögn.
vinna í samræmi við gildi og stefnu vinnustaðarins.
vinna með hliðsjón af gæðakröfum og viðurkenndu verklagi.
vinna í samræmi við viðurkenndar öryggisreglur og öryggisbúnað.
beita fjölbreyttum aðferðum til að ná markmiðum í starfi.
Nemandi skal geta hagnýtt þá almennu þekkingu og leikni sem hann hefur aflað sér til að:
beita sjálfstæði í vinnubrögðum.
horfa á verk sitt gagnrýnum augum og bæta verklag með aðstoð meistara.
nota og sinna viðhaldi á áhöldum og tækjum.
beita sér rétt við vinnu.
sýna þjónustulund og góða umgengni og umhirðu á vinnustað.