Lestur og hlustun: Lesnar eru fagbækur, tímarit og hlustað á texta. Lögð áhersla á texta á einföldu máli og orðaforða daglegs lífs. Einnig eru lesnar greinar á ensku á fagsviði nemenda og hlustað á efni því tengdu, t.d. fyrirlestra af netinu og fleira í þeim dúr.
Ritun: Lögð eru fyrir ritunarverkefni. Ritun er tengd reynslu úr daglegu lífi og er notast við óhefðbundnar kennsluaðferðir sem miða að því að horfa út fyrir kennslustofuna. Nemendur þjálfast í ritun dagbóka. Nemendur skrifa einnig orðalista og þjálfast í skrifa orð og læra þau um leið.
Tjáning: Nemendur taka munnleg próf og gera verkefni sem byggjast á þeirra eigin reynsluheimi. Prófað er munnlega úr innihaldi hagnýtra texta. Nemendur halda stutta fyrirlestra og gera talæfingar í tímum.
Málfræði og stafsetning: Málfræði rifjuð upp. Málfræði er tengd hagnýtum þáttum og unnið með hana í tengslum við ofangreind atriði, þ.e. lestur, ritun og tjáningu.
Orðaforði: Orðaforði sá sem unnið er með í áfanganum er sértækur orðaforði tengdur faginu sem auðveldar nemendum að bæta við sig menntun eftir að þessu námi lýkur. Auk þess er farið í akademískan orðaforða.
Enska á fyrsta þrepi.
Nemandi skal hafa öðlast þekkingu og skilning á:
helstu málfræðiatriðum og orðflokkum.
nýjum orðaforða.
helstu málfræðiatriðum og geta notað þau á réttan hátt í mæltu og rituðu máli.
enskum textum.
ritun texta.
tjáningu á ensku.
hlustun á ensku.
Nemandi skal hafa öðlast leikni í að:
lesa og skilja einfalda texta, svo sem blaðagreinar, bæklinga og skáldsögur með það að markmiði að auka á orðaforða sinn og afla upplýsinga.
undirbúa og flytja stuttar kynningar um valið efni.
nota mismunandi aðferðir til að læra helstu málfræðiatriði, svo sem lestur og glósur.
skrifa texta um kunnugleg málefni.
hlusta á enska tungu og skilja inntak efnisins.
Nemandi skal geta hagnýtt þá almennu þekkingu og leikni sem hann hefur aflað sér til að:
lesa og skilja almenna, fag texta og geta sagt frá þeim í aðalatriðum.
tala og skrifa á viðeigandi hátt um fagtengt efni eftir mismunandi aðstæðum.
gera greinarmun á mismunandi málnotkun eftir aðstæðum og geta fylgt eftir og tekið þátt í samræðum um kunnugleg málefni.
geta tekið þátt í samræðum um fagtengt efni sem hann þekkir eða hefur áhuga á.
beita málkerfinu á mismunandi hátt eftir aðstæðum, bæði munnlega og skriflega með því að segja frá eigin reynslu.
endursegja efni sem hann hefur lesið eða heyrt.
hlusta eftir upplýsingum og nota í umræðum um fagtengt málefni.
nota ýmis hjálpargögn við skrift á samfelldum texta, svo sem orðabækur og leiðréttingarforrit.
beita mismunandi aðferðum og hjálpargögnum við ritun og geta skilið samræður í mismunandi aðstæðum.
greina frá aðalatriðum ýmis konar texta og finna upplýsingar í texta til að svara einföldum spurningum. Til þess skal hann nota ýmis konar lestraraðferðir svo sem skimun og ítarlestur.