Í áfanganum er fjallað um félagslega virkni og starfsendurhæfingu. Áhersla er á að nemendur styrki faglega þekkingu á því hvernig hægt er að aðstoða skjólstæðinga við að tileinka sér aðferðir til að efla vilja, áhugahvöt og trú á eigin getu. Skoðaðar verða mismunandi birtingarmyndir félagslegrar virkni út frá andlegri, líkamlegri og félagslegri getu einstaklinga. Kynnt verða ýmis starfsendurhæfingarúrræði. Nemendur fá innsýn í hugmyndafræði bak við starfsendurhæfingu og í framhaldi fara þeir og kynna sér mismunandi úrræði.
Félagsleg virkni á 2. þrepi
Nemandi skal hafa öðlast þekkingu og skilning á:
ólíkum starfsendurhæfingarúrræðum.
leiðum til að efla félagslega virkni.
mismunandi leiðum til náms og starfa eftir veikindi, slys eða áföll.
gildi markmiðssetninga og eftirfylgni í starfi, námi og félagslegri virkni.
hvernig hægt er að viðhalda andlegri og líkamlegri færni hjá skjólstæðingum.
störfum og fræðasviði iðjuþjálfa, listmeðferðarfræðinga og annarra stétta sem hafa með tómstundir og skapandi endurhæfingu að gera.
mikilvægi þess að styðja aðstandendur í hlutverki sínu.
Nemandi skal hafa öðlast leikni í að:
halda fundi og byggja upp tengslanet aðstandenda.
miðla leiðum sem nýtast til að viðhalda andlegri og líkamlegri færni hjá skjólstæðingum.
miðla gildi jákvæðrar afstöðu til daglegs lífs og atvinnuþátttöku.
afla gagna um mismunandi endurhæfingarúrræði.
kynna sér aðferðir til heilsuhvetjandi virkni.
greina raunhæfni markmiða sem skjólstæðingar setja sér.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með skjólstæðingum í sjálfseflingu.
gera markvissar og raunhæfar áætlanir í samvinnu við skjólstæðing.
taka tillit til allra í tengslanetinu.
kynna mismunandi leiðir starfsendurhæfingarúrræða.
skipuleggja virkniúrræði fyrir ákveðna markhópa.
taka þátt í faglegum umræðum um mikilvægi félagslegrar virkni.