Í þessum áfanga verður fjallað almennt um geðheilbrigðismál og mikilvægi geðræktar. Fyrirbærið sjúkdómsvæðing verður skoðað og horft verður gagnrýnum augum á líffræðilegar áherslur í umræðunni um geðraskanir og notkun geðlyfja. Farið verður ítarlega í ákveðna flokka geðraskana í flokkunarkerfinu DSM-5, ásamt því að skoða kosti og galla flokkunarkerfa. Lögð er áhersla á að nemendur öðlist innsýn í aðstæður og aðbúnað geðfatlaðra. Rýnt verður í áhrif geðraskana á daglegt líf fólks og upplifun einstaklinga af meðferð og umönnun. Mismunandi samfélagsleg úrræði fyrir einstaklinga með geðraskanir verða kynnt. Nemendur fá kynningu á eigindlegum rannsóknaraðferðum og markmiðum með þeim.
Sálfræði á þriðja þrepi.
Nemandi skal hafa öðlast þekkingu og skilning á:
geðheilbrigðismálum og geðrækt.
sálfræði daglegs lífs.
sjúkdómsvæðingu.
kostum og göllum geðlyfja.
kostum og göllum flokkunarkerfa geðraskana.
geðröskunum sem tengjast efnamisnotkun.
geðröskunum sem tengjast líkamlegum einkennum.
geðheilbrigði aldraðra.
mismunandi samfélagslegum úrræðum.
batamiðaðri þjónustu.
mismunandi starfsstéttum á sviði geðfatlaðra.
eigindlegum rannsóknaraðferðum.
Nemandi skal hafa öðlast leikni í að:
bæta eigin geðheilsu og annarra.
greina þá þætti sem að auka geðheilbrigði.
beita gagnrýnni hugsun á viðfangsefni áfangans.
greina mismunandi einkenni efnamisnotkunar.
greina mismunandi tegundir geðraskana sem tengjast líkamlegum einkennum.
setja sig í spor fólks sem á við geðræn vandamál að stríða.
velja viðeigandi samfélagsleg úrræði hverju sinni.
afla sér heimilda og upplýsinga á sviði geðheilbrigðismála, greina þær og setja í fræðilegt samhengi.
beita eigindlegum aðferðum.
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið þátt í rökræðum um geðheilbrigðismál og sjúkdómsvæðingu.
móta eigin geðheilsu og annarra til að verða hæfari þátttakandi í nútímasamfélagi.
greina alvarleika ólíkra fíkniraskana með tilliti til áhrifa á daglegt líf.
greina alvarleika ólíkra raskana sem tengjast líkamlegum vandkvæðum.
afla upplýsinga um samfélagsleg úrræði fyrir geðfatlaðra til að nota við úrlausn verkefna.
framkvæma eigindlega rannsókn og gera grein fyrir helstu niðurstöðum.