Í þessum áfanga er lögð áhersla á að nemendur þekki Ísland á sem fjölbreyttastan hátt. Nemendur noti öpp (smáforrit) og forrit til að kynnast ýmsum stöðum landsins, sem og atvinnuháttum, veðurfari, ferðamöguleikum, menningu, landslagi, náttúruperlum og fleiru sem tengist landinu. Lögð er áhersla á skapandi skil og sjálfstæð vinnubrögð og upplýsingaleit.
Nemandi skal hafa öðlast þekkingu og skilning á:
Náttúru Íslands, fólkinu og því sem landið hefur upp á að bjóða
Ferðamöguleikum á landinu
Atvinnuháttum, veðurfari, landslagi og fleiru sem tengist landinu
Mismunandi landshlutum og fjölbreytileikum þeirra
Nemandi skal hafa öðlast leikni í að:
Kynna landið og ræða það af þekkinu og virðingu
Afla fjölbreyttra upplýsinga og vinna með þær
Nota þau forrit, öpp og vefi sem í boði eru við vinnslu verkefna
Verða sjálfbjarga í að leita upplýsinga og koma þeim til skila í verkefnavinnu
Vinna sjálfstætt og með öðrum til að koma þekkingu sinni á framfæri
Nemandi skal geta hagnýtt þá almennu þekkingu og leikni sem hann hefur aflað sér til að:
Gera sér grein fyrir ólíkum aðstæðum í mismunandi landshlutum
Fjalla um atvinnuvegi, veðurfar, ferðamöguleika og fleira á mismunandi svæðum landsins
Fjalla um helstu náttúruperlur landsins og staðsetningu þeirra
Setja saman ferðir og kynningar um Ísland á rafrænan hátt