Í áfanganum er fjallað um uppbyggingu og hlutverk íslenska félags- og heilbrigðiskerfisins með áherslu á þjónustu fyrir fólk með fötlun og aldraða. Áhersla er lögð á opinberar áætlanir á sviði félagslegrar aðhlynningar, gæði þjónustu, meginsvið og aðferðir gæðastjórnunar, gæðaáætlanir, breytingar- og stjórnunarferli, úthlutun verkefna, forgagnsröðun og tímastjórnun. Kynnt eru siðferðileg álitamál í tengslum við valdbeitingu og hugtakið ofbeldi skoðað. Skoðaður mögulegur ágreiningur sem komið getur upp í samskiptum á starfsvettvangi félagsliða. Loks eru kynntar siðareglur ólíkra starfsstétta, tilgangur og markmið þeirra greind og nemendur fá þjálfun í að rýna í þær frá mismunandi sjónarhornum. Lögð er áhersla á að viðfangsefnin taki mið af raunverulegum aðstæðum eftir því sem við verður komið.
SIÐF2GH05
Nemandi skal hafa öðlast þekkingu og skilning á:
meginsviðum og aðferðum gæðastjórnunar.
hlutverki íslenska félags- og heilbrigðiskerfsins varðandi þjónustu til fatlaðra og aldraðra.
mikilvægi forgangsröðunar, úthlutunar verkefna og tímastjórnunar.
hvað felst í breytingarferli og þeim áhrifum sem breytingar á þjónustu geta haft á skjólstæðinga.
einföldu bókhaldi.
siðareglum sem almennt gilda í þjónustu við fólk.
mikilvægi gagnrýnnar hugsunar við að meta eigin fagmennsku.
Nemandi skal hafa öðlast leikni í að:
hafa samskipti við stofnanir og stjórnvöld varðandi málefni skjólstæðinga.
nota aðferðir gæðastjórnunar í starfi.
rökstyðja forgangsröðun og úthlutun verkefna.
aðstoða skjólstæðinga við fjármál sín.
vinna með siðferðileg markmið gagnvart einstökum þáttum í starfi sínu.
miðla mikilvægi þess að beita gagnrýnni hugsun við ákvarðanatöku.
Nemandi skal geta hagnýtt þá almennu þekkingu og leikni sem hann hefur aflað sér til að:
beita aðferðum gæðastjórnunar.
kynna þjónustu íslenska félags- og heilbrigðiskerfisins sem snýr að fötluðum og öldruðum.
beita mismunandi leiðum til að takast á við álitamál sem upp kunna að koma í starfi.
geta notað hugmyndafræði tímastjórnunar og forgangsröðunar.
miðla og rökræða um þær siðareglur sem gilda í þjónustu við fólk.
beita siðferðilegri sýn við úrlausn álitamála.
beita gangrýnni hugsun í samræðum um ólíkar þjónustuleiðir.