Fjallað er um helstu atriði fjármálastýringar s.s. núvirðisútreikninga, ávöxtunarkröfu, útreikninga á verði skuldabréfa og hlutabréfa, útreikninga á áhættu í fjárfestingum, raun- og nafnávöxtun og helstu kennitölur í fjármálum fyrirtækja.
Lögð er áhersla á að ná tökum á hagnýtum útreikningum á sviði fjármála fyrirtækja með það fyrir augum að bera saman og velja á milli ólíkra fjárfestingarvalkosta.
STÆR2FJ05 og HAGF2AR05
Nemandi skal hafa öðlast þekkingu og skilning á:
helstu hugtökum úr fjármálum fyrirtækja s.s.: núvirði, afkastavextir, nafnvextir og raunvextir, virði hlutabréfa og skuldabréfa, markaðsvirði fyrirtækja, mennitölugreining
Nemandi skal hafa öðlast leikni í að:
reikna út núvirði og afkastavexti mismunandi fjárfestingarvalkosta
reikna út verð skuldabréfa og meta áhættu
reikna út framtíðarvirði og núvirði höfuðstóls skuldabréfa
reikna markaðsvirði fyrirtækja og markaðsvirði hluta í fyrirtækjum
reikna kennitölur í rekstri fyrirtækja
Nemandi skal geta hagnýtt þá almennu þekkingu og leikni sem hann hefur aflað sér til að:
vega og meta ólíka fjárfestingarvalkosti og velja á milli þeirra
geta greint rekstur fyrirtækis út frá kennitölum í rekstri og metið markaðsverð fyrirtækis út frá þeim upplýsingum
geta reiknað út bæði nafn- og raunávöxtun og reiknað inn áhrif af vísitölubreytingum á verðtryggð skuldabréf