Í áfanganum er fræðst um mat og menningu Íslands, með sérstakri áherslu á mat úr héraði. Áfanginn er fyrsta skref í Erasmus-verkefninu “Let´s eat culture” samstarfsverkefni milli 4 skóla í Evrópu sem fram fer í heimalandi á vorönn 2021.
Nemendur leita uppi íslenskar uppskriftir, bæði gamlar og nýjar og elda saman íslenskan mat úr íslensku hráefni. Áhersla er á að elda sem flest frá grunni. Í áfanganum verður unnið með ríkjandi matarhefðir, eldað verður úr afurðum úr héraði sem og með heimafólki og einnig munu kokkar koma í heimsókn. Nemendur skoða matar- og innkaupavenjur og heimsækja fyrirtæki á svæðinu þar sem fram fer matvælaframleiðsla og/eða ræktun grænmetis.
Nokkrum sinnum á önninni verða skipulagðir rafrænir fundir með nemendum úr hinum samstarfsskólunum. Nemendur setja saman rafræna uppskriftabók á ensku með texta og myndefni sem lokaafurð í áfanganum.
Nemandi skal hafa öðlast þekkingu og skilning á:
Matarhefðum á Íslandi og Norðurlandi sérstaklega
Hvernig svæðisbundnir réttir eru eldaðir og hvaða hráefni er notað
Matarinnkaupum Íslendinga almennt
Matar- og menningarsögu Íslands
Að lesa sér til um og taka þátt í að elda íslenska rétti
Grunnþáttum í hefðum og matarmenningu Íslands
Uppruna hráefnis sem notað er
Að miðla framreiðslu sinni með því að tjá sig um hana og koma henni á framfæri í rafbók í texta og mynd
Þróa með sér aga, metnað, ábyrgð og jákvæðni í vinnubrögðum
Að meta eigið vinnuframlag og annarra
Taka þátt í hópavinnu og fundum með erlendum nemendum
Nemandi skal hafa öðlast leikni í að:
Lesa sér til um matar- og menningarsögu eigin lands og miðla á ensku
Skoða eigin matarmenningu og ræða um hana
Taka þátt í samræðum um íslenska matarmenningu, færa rök fyrir máli sínu og virða skoðanir annarra
Setja saman uppskriftir með texta og mynd í rafbók á ensku
Lesa uppskriftir, fara eftir þeim og fjalla um megininntak þeirra
Efla skilning sinn á menningu og matargerð úr heimalandi
Afla sér upplýsinga um matarinnnkaup og uppruna hráefnis
Upplifa, skynja og smakka það sem hann tekur þátt í að framreiða
Skoða hráefni úr héraði og elda það á nýstárlegan hátt
Geta unnið í teymi og skipt verkum með öðrum
Geta sett fram hugmyndir sínar um íslenska rétti og brugðist við gagnrýni viðmælenda
Nemandi skal geta hagnýtt þá almennu þekkingu og leikni sem hann hefur aflað sér til að:
Tjá skoðanir sínar og tilfinningar um mat og íslenska matarmenningu
Vera meðvitaður um menningarlegt hlutverk matar
Sýna nokkurt sjálfstæði við að framreiða mat undir leiðsögn kennara
Tjá sig um eigin upplifun við framreiðslu matar við aðra viðmælendur með almennri ígrundun og samanburði
Búa til rafbók með uppskriftum með enskum texta og myndum með íhugun um matarhefð og menningu Íslands
Leysa úr viðfangsefnum í samstarfi við aðra
Þróa með sér aga, metnað, ábyrgð og jákvæðni í vinnubrögðum
Sýna umburðarlyndi og virðingu gagnvart öðrum menningarheimum
Meta eigið vinnuframlag
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.