Í áfanganum er fléttað saman kyn- og kynjafræðslu. Þannig er kynheilbrigði í víðum skilningi tekið fyrir ásamt því hvernig tilfinningar, sjálfsmynd og samskipti geta haft áhrif á væntingar og mörk. Einnig er tekin fyrir umfjöllun um kynhneigðir, samskipti á netinu og kynferðisleg áreitni. Þá er sérstök áhersla á að setja mörk í kynlífi, kynfæraheilsu, klám og klámvæðingu, fjölbreytileika, feminisma, sambönd, kynlíf og ofbeldi ásamt þolendaskömm. Áfanginn er ekki flokkaður sem hefðbundin kynfræðsla, heldur lýðheilsuáfangi með forvarnargildi og er hluti af Heilsueflandi framhaldsskóla.
Nemandi skal hafa öðlast þekkingu og skilning á:
hugtökum kynheilbrigðis
aðferðum til þess að takast á við eigin líðan
hvernig tilfinningar, sjálfsmynd og samskipti geta haft áhrif á væntingar og mörk
samþykki og mörkum
aðferðum til að takast á við eigið kynheilbrigði
Nemandi skal hafa öðlast leikni í að:
átta sig á því að það er í lagi að vera ekki búinn að finna út hver hann er
segja frá hvað viðkomandi finnst gott og hvað ekki
þekkja sín mörk og taka tillit til marka hjá öðrum
vita hvar hann á að leita sér hjálpar
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja tengsl andlegrar, líkamlegrar og huglægrar heilsu
geta verið gagnrýninn á eigin hegðun í samskiptum við aðra
vita hver hann er
átta sig á hvernig hann hefur áhrif á umhverfi sitt og annað fólk með eigin framkomu og hegðun
Í áfanganum er viðhaft símat alla önnina. Öll verkefni gilda til einkunnar.