Markmið áfangans er að nemendur öðlist skilning á menningu enskumælandi svæða í gegnum kvikmyndir og tónlist og þjálfist í ritun og túlkun af ýmsu tagi. Áhersla er lögð á að auka orðaforða, túlka verkin á skapandi hátt og nýta hugmyndaflug og áræðni í þeirra vinnu. Nemendur þjálfast í að skilja ensku sem notuð er á ólíkum málsvæðum.
Nemandi skal hafa öðlast þekkingu og skilning á:
ólíkum viðhorfum og gildum í enskumælandi löndum og hvernig þau móta menninguna
uppsetningu og skipulagi ritaðs máls, s.s. gagnrýni, lagatexta, samanburðarskrifum o.fl.
blæbrigðamun í kvikmyndum og tónlist
orðaforða sem tengist skoðunum, tilfinningum og áhrifum
Nemandi skal hafa öðlast leikni í að:
skilja mál sem er talað með mismunandi hreim og við mismunandi aðstæður
tengja samfélag og tíma
skilja texta kvikmynda og myndmál
skilja tengsl ritaðs máls og talaðs
rökræða, skiptast á skoðunum um kvikmyndir og tónlist, taka þátt í pallborðsumræðum
skrifa kvikmyndarýni, handrit, samanburð á bók og mynd eða eldri og nýrri útgáfu mynda, og sögu sem birtist í lagatexta
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig skýrt og hnökralaust, í verkefnum, munnlegri framsögn og leikrænni tjáningu
geta skrifað læsilegan og lipran texta, rakið ólík sjónarmið með og á móti, skrifað texta frá eigin brjósti þar sem hugmyndaflug fær að njóta sín og geta tjáð skoðanir og tilfinningar með rökum og tilvísunum í verkin sem verið er að vinna með
geta lesið á milli lína og skynjað boðskap og undirliggjandi áróður
nýtt eigin sköpunargáfu til að breyta og bæta við verkin
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.