Áfanginn er að mestu verklegur þar sem áherslan er blak fyrir unglinga og fullorðna, þ.e. frá 16 ára og eldri. Í áfanganum eru grunnatriði greinarinnar þjálfuð og æfð í gegnum æfingar, leiki og spil. Farið verður einnig í ólíkar stöður á vellinum (leikfræði> uppspilari, miðja, kantur, díó og frelsingi). Efni tengt viðfangsefninu verður sett á kennsluvef og nemendur vinna fjölbreytt verkefni, bæði verklega og bóklega, ýmist einir eða í hóp undir leiðsögn kennara.
Nemandi skal hafa öðlast þekkingu og skilning á:
reglum íþróttarinnar
hlutverkum leikmanna og staðsetningum
tæknilegri útfærslu grunnatriða íþróttarinnar
Nemandi skal hafa öðlast leikni í að:
setja upp skipulagðan tímaseðil út frá getu iðkenda og markmiðum tímans
meta reglur íþróttarinnar við að horfa á kappleiki og dæma hjá samnemendum
geta spilað ólíkar stöður á vellinum
útfæra krefjandi æfingar til að æfa viðfangsefnin
Nemandi skal geta hagnýtt þá almennu þekkingu og leikni sem hann hefur aflað sér til að:
dæma blakleik hjá samnemendum og/eða æfingaleiki
geta horft á blak og skilið leikinn, s.s. hvað sé verið að dæma, af hverju staðsetning leikmanna er eins og hún er o.s.frv
bera ábyrgð á því að skipuleggja og framkvæma kennslu hjá samnemendum þar sem grunnatriðin eru kennd
meta eigin leik og annarra og komið með hugmyndir að því hvað má bæta og þá hvernig
geta tekið þátt í umræðum um viðfangsefnin á faglegan og uppbyggilegan hátt
Áfanginn er metinn út frá verkefnum, mætingu, virkni, færni og áhuga