Í áfanganum verður fléttað saman fræðslu, hreyfingu og útiveru þar sem leitast verður við að hvetja nemendur til heilbrigðari lífshátta. Nemendur fræðast um heilbrigðan lífsstíl og þætti sem hafa áhrif á heilbrigði s.s. næringu, svefn, streitu, hreyfingu, áhættuhegðun, markmiðasetningu og stuðning við almennt nám. Nemendur munu setja sér markmið fyrir önnina sem við munum vinna markvisst með yfir tímabilið.
Einnig verður boðið upp á námsstuðning fyrir aðrar námsgreinar í áfanganum.
Nemandi skal hafa öðlast þekkingu og skilning á:
Að styrkja jákvæða sjálfsmynd og líkamshreysti sína
Mikilvægi þess að borða fjölbreyttan og hollan mat
Að meta streituástand sitt og nýtt sér slökunaræfingar á álagstímum
Mikilvægi svefns og hvíldar í tengslum við líkamlega og andlega líðan
Skaðsemi áhættuhegðunar
Mikilvægi þess að stunda hreyfingu fyrir líkama og sál
Nemandi skal hafa öðlast leikni í að:
Að útbúa sig fyrir útivist
Að nýta sér upplýsingatækni í sambandi við heilsurækt, næringu og lífsstíl
Fjölbreyttum leiðum til hreyfingar
Að gera léttar styrktar- og slökunaræfingar
Nemandi skal geta hagnýtt þá almennu þekkingu og leikni sem hann hefur aflað sér til að:
Að nemendur geti tekið upplýstar ákvarðanir um heilsu sína, heilbrigði og vellíðan
Að nemendur geri sér grein fyrir mikilvægi þess að huga vel að líkama og sál
Að nemendur geri sér grein fyrir að ákveðnum freistingum fylgir áhætta og það er þeirra að taka ákvarðanir fyrir sig sjálf
Að nemendur læri að nota ákveðin verkfæri sem hjálpa þeim þegar þau eru undir álagi eða eru beitt þrýsting
Að nemendur læri að setja sér raunhæf markmið og vinna í þeim
Námsmat er útfært í námsáætlun í samræmi við skólanámskrá