Í áfanganum er fjallað um sögu mannkyns frá fornöld og fram til um 1800 e.Kr. þar sem einblínt er á ákveðin tímabil sem talin eru lykilþættir í mannkynssögunni. Farið er yfir upphaf og uppruna mannsins ásamt útrás mannkynsins um jörðina, lífshætti á fornöld, fyrstu ummerki um nám, völd, trúarbrögð og ýmislegar uppfinningar, landbúnaðarbyltinguna og áhrif hennar, fljótsdalamenningu og tækninýjungar. Einnig er farið yfir upphaf grískrar menningar, gríska stjórnarhætti, upphaf lýðræðis, myndun borgríkja, gríska heimspekinga og áhrif þeirra, aðdragandann að Rómaveldi ásamt framþróun og endalokum veldisins. Menning miðalda er til skoðuð ásamt siðaskiptaskiptum í Evrópu. Endurreisnartímbilið í Evrópu er einnig skoðað þar sem farið er yfir helstu listamenn þess. Fjallað er um landfundi Evrópumanna þ.e. aðdraganda, framþróun og áhrifum þess tímabils. Auk þess er fjallað um vísindabyltingar og þær byltingarkenndu uppfinningar sem breyttu bæði lifnaðarháttum og heimssýn manna. Aðdragandann að sérhæfingu listar þ.e. tónlist, dans o.fl. og helstu tónlistarmönnum sem fóru að láta kveða að sér eru til skoðunar ásamt margvíslegum hugmyndum sem komu upp á upplýsingaröld sem hafa lagt ákveðin grundvöll að nútímalegum hugmyndum í samfélagi manna.
Að nemandi hafi lokið áfanganum ÍSLE2RB06
Nemandi skal hafa öðlast þekkingu og skilning á:
upphafi, uppruna og útrás mannkynsins um jörðina, lífshætti á fornöld, fyrstu ummerki um nám, völd, trúarbrögð og uppfinningar
landbúndaðarbyltinguna, fljótsdalamenningu og tækninýjungar
upphafi grískrar menningar, gríska stjórnarhætti, upphaf lýðræðis og myndun borgríkja, grískum heimspekingum og áhrifum þeirra
aðdraganda, framþróun og endalok Rómaveldis, menningu miðalda og siðaskiptum í Evrópu, endurreisnartímabilinu og helstu listamenn þess
landafundi Evrópumanna þ.e. aðdraganda, framþróun og áhrifum
vísindabyltingar, byltingakenndar uppfinningar og áhrif þeirra á breytta heimssýn manna
aðdragandan að sérhæfingu listar þ.e. tónlist og dans og fræga tónlistarmenn
upplýsingaröld og áhrifum hennar á nútímalega lifnaðarhætti
Nemandi skal hafa öðlast leikni í að:
geta aflað sér traustra og áreiðanlegra heimilda um viðfangsefni sögunnar
greint upplýsingar og sett í fræðilegt og sögulegt samhengi
tjá þekkingu sína á munnlegan og skriflegan hátt
vinna á sjálfstæðan og ábyrgan hátt undir leiðsögn
nýta margvíslega tækni í þekkingarleit og á ábyrgan og gagnrýnin hátt
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í umræðum þar sem hann getur tjáð skoðanir sínar, rökstutt þær og hlustað á skoðun annarra
geta beitt öguðum vinnubrögð og borið ábyrgð á eigin námi
vinna sjálfstætt og í samvinnu við aðra
miðla sögulegri þekkingu sinni á fjölbreyttan hátt
til að meta eigið vinnuframlag
búa yfir hæfni til að takast á við frekara nám
Leiðsagnarmat þar sem vinna nemenda er metin jafnóðum allan námstímann. Til grundvallar matsins eru fjölbreytt verkefni úr ólíkum efnisþáttum.