Í áfanganum er lögð áhersla á sjálfstæðan lestur, málfræði, ritun og talmál. Áfram er haldið með alhliða tal og talmálsþjálfun með mismunandi hætti með tilliti til ólíkra menningarheima enskumælandi landa. Nemendur eiga að geta lesið talsvert þunga texta t.d úr dagblöðum, tímaritum og efni af netinu auk þess að kunna skil á þeim ólíku skáldverkum sem tekin verða til umfjöllunar og unnin verða verkefni úr. Áhersla er lögð á að auka orðaforða og nemendur eiga að geta skilið einfalt, ótextað sjónvarpsefni eða hlustunarefni og getað fylgst með og skilið orðaræðu um ólíka efnisflokka, en til þess eru þeir miðlar sem völ er á nýttir.
Í skriflega þættinum er gerð krafa um flóknari setningaskipan, námkvæmari orðaforða og skipulegri framsetningu en í fyrri áfanga.
Að nemandi hafi lokið við einn áfanga á 2. þrepi.
Nemandi skal hafa öðlast þekkingu og skilning á:
ólíkum þjóðfélagsaðstæðum í Bretlandi og Bandaríkjunum
daglegu lífi og menningu, t.d. stjórnmálum og mannlífi
á fjölbreyttum dægurmálum enskra málsvæða
Nemandi skal hafa öðlast leikni í að:
kynna sér tiltekna þætti í menningu enskumælandi landa
tjá sig á ensku m.a. um dægurmál á enskum málsvæðum
nota fjölbreyttar aðferðir við almenna gagnaöflun
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla munnlega og skriflega um menningu ólíkra enskumælandi samfélaga
glíma við erfiðari texta
átta sig á tengingu við önnur fög í náminu í gegnum enskuna
Leiðsagnarmat þar sem vinna nemenda er metin jafnóðum allan námstímann. Til grundvallar eru fjölbreytt verkefni úr ólíkum efnisþáttum, svo sem styttri próf, skrifleg og munnleg verkefni.