Beint framhald af LÍOL2FH04. Í áfanganum eru tekin fyrir nokkur líffærakerfi mannsins og grunnlífeðlisfræði þeirra s.s. tauga-, vöðva-, stoðgrindar - og æxlunarkerfis. Auk þess farið í byggingu og starfsemi helstu skynfæra og innkirtla. Fjallað um heilbrigða starfsemi en einnig algengustu frávik (orsakir þeirra og afleiðingar).
LÍOL2FH04
Nemandi skal hafa öðlast þekkingu og skilning á:
byggingu og starfsemi taugakerfis
mismunandi gerðum skynnema og skynfæra
byggingu og samspili stoðgrindarkerfis og vöðva
vöðvasamdrætti, samspili vöðva og tauga
helstu innkirtlum og hormónum þeirra
sjúkdómum af völdum hormónaröskunar
stjórn blóðsykurs
byggingu, starfsemi og hormónastjórn æxlunarkerfis
getnaðarvörnum og kynsjúkdómum
Nemandi skal hafa öðlast leikni í að:
beita hugtökum námsefnisins
geta fjallað um heilbrigða starfsemi líffærakerfa
tengja í heild starfsemi líffærakerfa
geta greint frá helstu frávikum frá eðlilegri starfsemi líffærakerfa
nota ljóssmásjá
beita réttum vinnureglum við krufningar og fleiri verklegar æfingar
vinna skýrslur úr verklegu efni
nýta upplýsingatækni við öflun upplýsinga og heimilda við verkefnavinnu
vinna sjálfstæð kynningarverkefni úr námefninu
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja eigin líkama og gera sér grein fyrir mikilvægi góðrar heilsu
taka ábyrgð á eigin lífsháttum og heilsu
beita vísindalegum vinnubrögðum innan sem utan kennslustofunnar
takast á við frekara nám í náttúru- og/eða heilbrigðisgreinum
Leiðsagnarmat þar sem vinna nemanda er metin jafnóðum allan námstímann.