Fjallað er um sjónarhorn, helstu hugtök og vinnuaðferðir greinarinnar. Skoðuð eru áhrif samfélagsins á aðstæður, hugsun og hegðun einstaklinga og hvernig þeir geta haft áhrif á umhverfi sitt. Fjallað er um þróun mannlegra samfélaga, hnattvæðingu og stöðu Íslands meðal þjóða heims og áhrif iðnvæðingar á íslenskt samfélag. Fjallað er um stjórnskipan íslensks samfélags og áhersla lögð á atvinnulíf og stjórnmál. Lögð er áhersla á að nemandinn verði fær um að taka þátt í samfélagslegum umræðum, lesa fræðilega texta um viðfangsefni áfangans og mynda sér skoðanir á grunni þekkingar og umburðarlyndis gagnvart menningu, trú og skoðunum annarra.
engar
Nemandi skal hafa öðlast þekkingu og skilning á:
margbreytileika samfélaga og þróunarsögu þeirra
áhrifum iðnvæðingar á íslenskt samfélag
skipulagi íslensks samfélags og Stjórnarskrá íslenska lýðveldisins
réttindum og skyldum einstaklingsins gagnvart samfélaginu
stöðu Íslands meðal þjóða heims
högum fjölskyldunnar
viðfangsefnum og hugtökum félagsvísinda
helstu aðferðum félagsfræðinnar
mótunaröflum einstaklinga sem hafa áhrif á líf hans, t.d. fjölskyldan, trúarbrögð, efnahagskerfið og vísindi
Nemandi skal hafa öðlast leikni í að:
lesa félagsfræðilega texta
nota félagsfræðileg hugtök til að greina og bera saman aðstæður fólks í mismunandi samfélögum og á mismunandi tímum
íhuga og ræða eigin hugmyndir og fordóma
fjalla á gagnrýninn hátt um samfélagsleg málefni líðandi stundar í ræðu og riti
beita algengustu hugtökum félagsvísinda á skýran og skilmerkilegan hátt
afla fjölbreyttra gagna og vinna úr þeim
Nemandi skal geta hagnýtt þá almennu þekkingu og leikni sem hann hefur aflað sér til að:
meta upplýsingar og móta sér skoðanir á samfélagsmálum á upplýstan, gagnrýninn og umburðarlyndan hátt
taka þátt í samræðum um samfélagsmál á vitrænan hátt
ræða um samfélagsmál af þekkingu og víðsýni
deila þekkingu sinni með öðrum
geta sett sig í spor annarra
afla sér upplýsinga, greina helstu atriði þeirra og hagnýta sér þær
beita öguðum vinnubrögðum, taka ábyrgð á eigin námi og vinna í samvinnu við aðra
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.