Nemendur læra notkun helstu handverkfæra og einfaldra rafmagnsverkfæra svo sem handborvéla, standborvéla, minni spóntökuvéla auk notkunar gass við meðhöndlun á stáli. Þeir kynnast eðli mismunandi málma við smíðar á hverskyns íhlutum. Að áfanganum loknum geta nemendur smíðað einfalda hluti úr málmi.
HAMÁ2NH04
Nemandi skal hafa öðlast þekkingu og skilning á:
öryggisreglum sem gilda á vinnusvæði.
meðferð og umhirðu verkfæra.
teikningalestri.
mælitækjum og uppmerkitækjum ásamt notkun þeirra.
vali borstærða í töflu eftir stærð snitttappa.
mikilvægi þess að ganga þrifalega um vinnusvæði sitt.
mikilvægi þess að ganga á réttan hátt frá spilliefnum, t.d. olíu og olíublautum pappír.
mikilvægi góðrar loftræstingar.
undirstöðuatriðum heilsuverndar.
réttri notkun hlífðarfatnaðar og persónuhlífa.
Nemandi skal hafa öðlast leikni í að:
smíða hluti úr mismunandi málmum.
velja rétta meðhöndlun á efni.
slípa bora fyrir borun í mismunandi efni.
velja og nota mismunandi gerðir hamra við formun.
velja bora eftir efnum sem bora skal og snúningshraða eftir borstærð og efnum.
velja þjalir með hliðsjón af því efni sem unnið er með og áferð þess.
beita helstu hjálpartækjum, t.d. rissnál, vinkli, hæðarrissi og hringfara við uppmerkingu á efni fyrir vinnslu.
Nemandi skal geta hagnýtt þá almennu þekkingu og leikni sem hann hefur aflað sér til að:
efna niður og málsetja einfalda hluti úr málmi sem metið er með verklegum og skriflegum æfingum.
ákveða rétta vinnsluaðferð sem metið er með verklegum og skriflegum æfingum.
vinna sjálfstætt að verkþáttum sem metið er með verkefnavinnu.
meta rétta yfirborðsmeðhöndlun sem metið er með verkefnavinnu og skriflegum prófum.
gera sjálfsstætt mat að loknu verkefni sem metið er með skýrslugerð.
segja til um gæði og ástand handverkfæra sem metið er með verklegum og skriflegum æfingum.
Námsmat er útfært í námsáætlun í samræmi við skólanámskrá.