Það kom upp villa senda inn  Áfangi

    Áfangi Nánari upplýsingar


    Búið til: 1615382617.53

    Tómstundafræði
    LÝÐH3TÓ05
    1
    lýðheilsa
    Tómstundafræði
    Samþykkt af skóla
    3
    5
    Áfanginn er bóklegur og verklegur. Markmiðið er að gefa nemendum tækifæri til að kynnast þeim möguleikum sem eru í boði innan tómstundastarfsins. Verkleg kennsla fer fram innan félagsmiðstöðvarinnar þar sem nemendur skyggja starfsmenn þar. Nemendur læra einnig fjölbreytta leiki og hópefli sem henta unglingum með það í huga að nemendur geti nýtt sér þann möguleika í kennslu og þjálfun. Í lok áfangans eiga nemendur að vera færir um að skipuleggja, sjá um og stjórna tómstundarstarfi á mismunandi hátt.
    10 ein. á 2. þrepi í íþróttafræði eða félagsgreinum
    Nemandi skal hafa öðlast þekkingu og skilning á:
    • mikilvægi tómstundastarfs fyrir samfélagið
    • fjölbreyttu tómstundastarfi
    • mikilvægi tómstundastarfs til að efla andlegan og félagslegan þroska
    • hinum ýmsu leikjum og mismunandi tegundum hópeflis miðað við að efla tilfinninga- og félagsþroska barna og unglinga
    Nemandi skal hafa öðlast leikni í að:
    • afla sér upplýsinga um mismunandi tómstundastarf
    • nýta sér og kynna fyrir öðrum mismunandi tómstundastarf
    • stýra mismunandi hópum í leik og tómstundastarfi
    • undirbúa og útskýra ýmsar útfærslur af leikjum
    • greina vandamál og finna lausnir við ýmsar aðstæður
    • læra að vinna með unglingum í félagsstarfi þeirra
    Nemandi skal geta hagnýtt þá almennu þekkingu og leikni sem hann hefur aflað sér til að:
    • efla leiðtogahæfni sína og mannleg samskipti
    • skipuleggja tómstundastarf með unglingum
    • beita grundvallaraðferðum í forvörnum og eineltismálum
    • átta sig á mismunandi getu einstaklinga ásamt því að leiðbeina þeim
    • taka að sér ýmis verkefni sem snúa að tómstundastarfi eða félagsstarfi hjá skólum og/eða íþróttafélögum
    • meta eigin frammistöðu og vinnuframlag sem og annarra á gagnrýninn hátt
    Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum í hverri viku.