Áfanginn er að mestu verklegur þar sem áhersla er lögð á reglur og mótahald í alpagreinum, skíðagöngu og á snjóbrettum. Nemendur fá að kynnast hlutverki dómara og eftirlitsmanna á mótum auk þess sem fjallað er um lyfjamisnotkun og hlutverk lyfjaeftirlitsins. Nemendur þurfa að taka þátt í skipulagðri skíða/snjóbretta þjálfun hjá viðurkenndu íþróttafélagi eða sérhæfðum þjálfara að minnsta kosti þrisvar sinnum í viku.
Nemandi skal hafa öðlast þekkingu og skilning á:
Leikreglum sinnar íþróttagreinar
Hlutverki dómara og eftirlitsmanna á skíða- og snjóbrettamótum
Alþjóðlegu punktakerfi FIS
Lyfjamisnotkun í íþróttum og hlutverki lyfjaeftirlitsins
Nemandi skal hafa öðlast leikni í að:
Útbúa æfingadagbók
Átta sig á dómgæslu sinnar greinar, tímatöku, stigagjöf, brautarlagningu o.fl.
Nemandi skal geta hagnýtt þá almennu þekkingu og leikni sem hann hefur aflað sér til að:
Taka þátt í alþjóðlegu mótahaldi í öllum aldurshópum
Skipuleggja og sjá um framkvæmd móts hjá yngstu aldurhópunum
Taka ábyrga afstöðu til neyslu skaðlegra efna í tengslum við íþróttir
Nýta þjálfun sína sem best til að ná sem bestum árangri í sinni íþrótt
Geta tekið þátt í umræðum um viðfangsefnin á faglegan og uppbyggilegan hátt
Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni, áhuga og sjálfstæði.