Áfanginn er hvort tveggja bóklegur og verklegur. Markmiðið er að kenna grunnþætti, tækni og leikfræði í golf- og badmintoníþróttinni. Í lok áfangans á nemandi að geta útskýrt fyrir óreyndum spilara grip, helstu grunnhögg ásamt því að stýra æfingum fyrir mismunandi getustig. Í lok áfangans eiga nemendur að vera færir um að stjórna og skipuleggja æfingar fyrir iðkendur í badminton og golfi.
ÍÞRF2þj05
Nemandi skal hafa öðlast þekkingu og skilning á:
gripi
tækniæfingum
leikfræði íþróttanna
samsettum æfingum þar sem farið er úr einföldum útfærslum yfir í flóknari
hreyfifræði íþróttanna
mismunandi mótafyrirkomulagi
æfingum til að auka ákefð
algengum villum við framkvæmd högga
nauðsynlegum íþróttabúnaði
Nemandi skal hafa öðlast leikni í að:
útfæra helstu högg
nota íþróttirnar sér til heilsubótar
leiðbeina öðrum
halda mót fyrir smærri hópa
taka þátt í keppni
greina vandamál og finna lausnir
nota og útskýra mismunandi leikjafyrirkomulag
nota og útskýra fyrir öðrum mismunandi leiki
Nemandi skal geta hagnýtt þá almennu þekkingu og leikni sem hann hefur aflað sér til að:
bæta sig í íþróttageinunum
skipuleggja æfingar
átta sig á ólíkri getu einstaklinga ásamt því að leiðbeina þeim
sækja um stöðu aðstoðarþjálfara hjá íþróttafélagi
taka þátt í keppni sem hæfir þeirra getu
leiðbeina öðrum um val á mismunandi búnaði
taka að sér ýmis verkefni við mótahald hjá skólum og/eða íþróttafélögum
vera vel undirbúinn fyrir háskólanám í íþróttafræði