Áfanginn er hvort tveggja bóklegur og verklegur. Markmiðið er að gefa nemendum tækifæri til að kynnast þeim möguleikum sem eru í boði innan tómstundastarfsins og undirbúa þau fyrir áframhaldandi nám í tómstundafræðum. Einnig að kenna nemendum fjölbreytta leiki og líkamsþjálfun sem henta mismunandi aldurshópum með það í huga að nemendur geti nýtt sér þann möguleika í kennslu og þjálfun. Í lok áfangans eiga nemendur að vera færir um að stjórna, skipuleggja og sinna tómstundastarfi.
ÍÞRF2þj05
Nemandi skal hafa öðlast þekkingu og skilning á:
mikilvægi tómstundastarfs fyrir samfélagið
fjölbreyttu tómstundastarfi
mikilvægi tómstundastarfs til að efla andlegan og félagslegan þroska
hinum ýmsu leikjum
mikilvægi leikja og líkamsþjálfunar til að efla tilfinninga- og félagsþroska barna og unglinga
Nemandi skal hafa öðlast leikni í að:
afla sér upplýsinga um mismunandi tómstundastarf
nýta sér og kynna fyrir öðrum mismunandi tómstundastarf
stýra mismunandi hópum í leik og tómstundastarfi
undirbúa og útskýra ýmsar útfærslur af leikjum
greina vandamál og finna lausnir við ýmsar aðstæður
nýta sér mismunandi aðstæður til að efla tilfinninga- og félagsþroska barna
Nemandi skal geta hagnýtt þá almennu þekkingu og leikni sem hann hefur aflað sér til að:
efla leiðtogahæfni sína
skipuleggja æfingar
beita grundvallaraðferðum í forvörnum og eineltismálum
átta sig á ólíkri getu einstaklinga ásamt því að leiðbeina þeim
taka að sér ýmis verkefni sem snúa að tómstundastarfi eða félagsstarfi hjá skólum og/eða íþróttafélögum
meta eigin frammistöðu og vinnuframlag sem og annarra á gagnrýninn hátt
vera betur undirbúin fyrir háskólanám í tómstundafræði