Í áfanganum verður farið í helstu þætti viðburðastjórnunar. Markmið áfangans er að kynna verklag sem þarf að tileinka sér í faginu og undirbúa nemendur fyrir áframhaldandi nám í viðburðastjórnun. Nemendur fá að kynnast ýmsum hagnýtum og fræðilegum þáttum viðburðastjórnunar með það markmið að gefa þeim tækifæri til að undirbúa nokkra smærri viðburði þar sem þau fá þjálfun í að nýta þekkinguna sem þau hafa aflað sér í áfanganum.
FJÁR2fl05
Nemandi skal hafa öðlast þekkingu og skilning á:
mikilvægum þáttum viðburðastjórnunar
hlutverki leiðtoga
straumum og stefnum í viðburðastjórnun
mikilvægi fjölbreyttra viðburða í samfélagslegum skilningi
fjárhagslegum og rekstrarlegum hluta viðburða
markaðsfræðilegri nálgun í viðburðastjórnun
Nemandi skal hafa öðlast leikni í að:
skipuleggja viðburð (áætlun um rekstur, mönnun, öryggismál og markaðsmál)
vinna með stórum hópi að sameiginlegu verkefni halda viðburð
Nemandi skal geta hagnýtt þá almennu þekkingu og leikni sem hann hefur aflað sér til að:
meta á gagnrýninn hátt skipulag og framkvæmd viðburða