Áfanginn er fyrir fólk sem vill læra íslensku sem annað tungumál. Lögð er áhersla á orðaforða tengdan líðan, tilfinningum í daglegu lífi, félagslífi, samskiptum og fl. Málfræði og orðaforði kenndur samhliða. Nemendur eru þjálfaðir í lesskilningi, samræðum, hlustun og ritun.
ÍSAN1MT05
Nemandi skal hafa öðlast þekkingu og skilning á:
grundvallarþáttum íslenskunnar
töluðu og rituðu máli um kunnugleg efni
orðaforða sem lýsir líkamlegri og andlegri líðan, félagslegri þátttöku, samskiptum og fleiru
Nemandi skal hafa öðlast leikni í að:
lesa einfalda texta sem innihalda orðaforða sem tengist líðan, tilfinningum, samskiptum upplifunum og fl.
taka þátt í samræðum um líðan, tilfinningar, félagslíf og samskipti
skrifa einfaldan texta um líðan, tilfinningar, langanir, upplifanir
Nemandi skal geta hagnýtt þá almennu þekkingu og leikni sem hann hefur aflað sér til að:
beita orðaforða, málnotkun og framburði á sem réttastan hátt
tjá sig munnlega og skriflega
Leiðsagnarmat útfært í kennsluáætlun samkvæmt skólanámskrá. Áfanginn er án lokaprófs, fjölbreytt verkefni verða metin jafnt og þétt.