Áfanginn er að öllu leyti verklegur og markmið hans er auka áhuga og getu nemandans svo hann geti nýtt sér hatha jóga sér til heilsubótar og ánægju. Í þessum áfanga fer kennslan fram í formi æfinga þar sem farið er yfir 84 grunnlíkamsstöður í hatha jóga. Þátttaka nemandans á jafnframt að efla styrk, þrek- og þol með fjölbreyttum þjálfunaraðferðum. Lagt er upp með að nemandinn upplifi líkamlega, andlega og félagslega ánægju í gegnum þjálfunina.
Nemandi skal hafa öðlast þekkingu og skilning á:
grunntækni íþróttarinnar
grunnæfingum til að bæta sig í íþróttinni
ýmsum aðferðum við líkamsþjálfun
áhrifum líkams- og heilsuræktar fyrir andlega og líkamlega vellíðan
jógastöðum, öndun og slökun
Nemandi skal hafa öðlast leikni í að:
stunda jóga sér til heilsubótar
nýta sér öndun og slökun í daglegu lífi
tileinka sér helstu grunntækni íþróttarinnar
beita félagsfærni
þekkja og meta eigin getu og takmarkanir
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á mikilvægi hreyfingar fyrir andlega og líkamlega líðan