Áhersla er á að nemendur efli orðaforða sinn í ræðu og riti og þjálfist í að nota íslensk orð og hugtök í tengslum við tölvur og tækni. Nemendur nýta upplýsingatæknina við nám og verkefnavinnu í áfanganum, s.s. fjarfundarkerfi, ritvinnslu, leiðréttingarforrit og framsetningarforrit.
Nemandi skal hafa öðlast þekkingu og skilning á:
orðaforða sem tengist tölvu- og upplýsingatækninni
mikilvægi og kosti þess að notast við íslensk orð yfir tölvu- og tæknihugtök
kostum þess að nýta handbækur og uppflettirit á vefnum
því að hægt sé að setja fram efni á fjölbreyttan máta
þeim hjálpartækjum sem stafrænir miðlar bjóða upp á, s.s. talgervla og upplestur
Nemandi skal hafa öðlast leikni í að:
að nýta sér upplýsingar á stafrænum miðlum
að nýta sér íslensk orð og hugtök
að tjá sig jafnt í tali og rituðu máli
að flytja efni sem sett er fram á stafrænan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
efla eigið tölvulæsi
lesa í og eða nýta sér upplýsingar sem koma fram í útvarpi, sjónvarpi og í netmiðlum
setja saman og flytja kynningar
Áfanginn er símatsáfangi. Námsmat byggist upp á mati kennara, sjálfsmati nemenda og jafningjamati.Við námsmat er horft til verklags, vandvirkni, frágangs, ígrundunar, rökstuðnings og þátttöku í kynningum á eigin verkum og annarra.