Í áfanganum er lögð áhersla á að nemendur öðlist þekkingu á íslenskum bókmenntum frá landnámsöld til okkar tíma. Fjallað verður um upphaf ritunar á Íslandi og bókmenntasaga tímabilsins krufin. Vakin verður athygli á því hvernig málfar íslenskra bókmennta og bókmenntirnar sjálfar spegla þjóðfélagsaðstæður og menningarlíf, tíðaranda, strauma og stefnur frá landnámsöld til 20. aldar. Lesin verða fjölbreytt verk, t.d. eddukvæði, dróttkvæði, ein Íslendingasaga, sálmar og rímur, allt til ljóða og smásagna nútímans.
Nemandi þarf að hafa náð fullri hæfni á 2. þrepi
Nemandi skal hafa öðlast þekkingu og skilning á:
orðaforða sem nægir til að lesa helstu verk íslenskra bókmennta
helstu bókmenntahugtökum og mismunandi tegundum íslenskra bókmennta að fornu og nýju
helstu tímabilum í íslenskri bókmenntasögu, frá landnámi til okkar tíma
samspili bókmennta og þjóðfélagsbreytinga
ritgerðasmíð og heimildavinnu
Nemandi skal hafa öðlast leikni í að:
lesa ýmsar gerðir ritaðs máls að fornu og nýju sér til gagns og gamans
beita bókmenntahugtökum til greiningar á bókmenntatextum
skilja og nota viðeigandi stílbrögð, orðatiltæki og menningarlegar vísanir í tal- og ritmáli
flytja af öryggi vel uppbyggða kynningu á krefjandi efni
nýta sköpunargáfu og sýna sjálfstæði við úrvinnslu verkefna
rita bókmenntaritgerð þar sem hann beitir gagnrýninni hugsun við úrvinnslu efnis og heimilda og setja mál sitt fram á skýran og greinargóðan hátt á blæbrigðaríku máli
draga saman og nýta á viðurkenndan hátt upplýsingar úr hvers kyns heimildum og meta áreiðanleika þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
greina og túlka bókmenntaverk og skrifa bókmenntaritgerð um afmarkað efn
skrifa skýran og greinargóðan texta og beita málinu á viðeigandi hátt hverju sinni
beita gagnrýninni hugsun við lestur, túlkun og úrvinnslu krefjandi texta
átta sig á samfélagslegri skírskotun og ná duldum boðskap og hugmyndum
tjá rökstudda afstöðu og taka virkan þátt í málefnalegri umræðu
sýna frumkvæði og sjálfstæði í vinnubrögðum
sýna víðsýni og sköpunarhæfni í málflutningi sínum, umfjöllun og verkum
Námsmat byggir á leiðsagnarmati þar sem vinna nemandans er metin jafnóðum allan námstímann. Til grundvallar eru fjölbreytt verkefni um strauma og stefnur í bókmenntum tímabilsins, bæði munnleg og skrifleg. Ritgerð úr Egils sögu er veigamikill þáttur í matinu ásamt smærri verkefnum af ýmsu tagi