Megin áhersla áfangans er á bókmenntir, lestur, hlustun, lesskilning og skapandi verkefnavinnu. Nemendur lesa tvær bækur á önninni og í tengslum við þær verður umfjöllun um mannréttindi og lýðræði. Áhersla verður lögð á að nemendur afli sér upplýsinga um höfunda og þær aðstæður og eða tímabil sem til umfjöllunar eru hverju sinni og fái innsýn í þau áhrif sem umfjöllunarefnið hafði eða hefur á það samfélag sem sögurnar gerast í. Nemendur vinna fjölbreytt og skapandi verkefni sem reyna á lesskilning, ritunarfærni og tjáningu.
Að nemandi hafi lokið 10 einingum á 2. þrepi.
Nemandi skal hafa öðlast þekkingu og skilning á:
fjölbreyttum bókmenntatextum
viðameiri og auknum orðaforða
helstu bókmenntahugtökum á ensku
Nemandi skal hafa öðlast leikni í að:
taka þátt í umræðum um það sem efst er á baugi í erlendum fjölmiðlum og komi skoðunum sínum á framfæri á skýran og greinargóðan hátt
lesa, skilja og túlka enskar bókmenntir
afla sér þekkingar á einkennum samfélags á mismunandi tímum
tjá sig skriflega og munnlega um það efni sem til umfjöllunar er hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
lesa enskar bókmenntir sér til ánægju
kynna sér þann bakgrunn sem sögurnar spretta upp úr
tjá álit sitt á mismunandi tegundum bókmennta á ensku
Leiðsagnarmat þar sem vinna nemenda er metin jafnóðum allan námstímann. Til grundvallar eru fjölbreytt einstaklings- og hópverkefni og próf. Námsmat er nánar útfært í kennsluáætlun.